Morgunn - 01.06.1977, Síða 35

MAÐURINN STENDUR EKKI EINN
33
auðmýktar og trúar, sem byggist á þekkingu, eykst tilfinning
okkar fyrir návist Guðs.
Sjálfur tel ég sjö ástæður til trúar minnar:
í fyrsta lagi: Samkvœmt óhagganlegum stœrSfræSilögmál-
um getum viS sannaS, aS heimur okkar er skipulagSur og
skapaSur af miklum hugsandi anda.
Hugsaðu þér, að þú stingir tíu peningum, merktum frá
einum til tíu, í vasa þinn og hringlir síðan vel í hrúgunni.
Reyndu nú að taka þá upp úr vasanum i réttri röð frá ein-
um til tíu og stingdu svo peningnum aftur niður í vasann
hvert sinn og hringlaðu þeim saman. Stærðfræðilega vitum
við, að líkurnar til þess að þú fyrst dragir pening, merktan
með 1, eru einn á móti 10, að dregnir verði nr. 1 og 2 i
réttri röð, 1 á móti 100, að þú dragir peninga nr. 1, 2 og 3,
í réttri röð: 1 á móti 1000 o. s. frv. Líkumar til þess, að þú
dragir þá upp úr vasanum í réttri röð frá nr. 1 til nr. 10 eru:
1 á móti 10 milljörðum!
Af sömu ástæðum má fullyrða, að á mörgum sviðum lífs
eru svo nákvæm skilyrði nauðsynleg, að ekki er hægt að
imynda sér, að nauðsynlegt innbyrðis samræmi þeirra geti
verið til af einni saman tilviljun. Jörðin snýst um möndul
sinn með 1600 km hraða á klukkustund um miðbaug; snerist
hún með 160 km hraða, myndu dagar okkar og nætur vera
tíu sinnum lengri en nú er, og hiti sólar sennilega brenna
gróðurinn þessa löngu daga, og hver gróðurangi, sem kynni
að lifa það af, að líkindum frjósa hina löngu nótt.
Lifsuppspretta okkar, sólin, er á yfirborði 10.000 gráður á
Fahrenheit og fjarlægð jarðar er einmitt nákvæmlega hæfi-
lega mikil til þess að þessi „eilífi eldur“ hlýi okkur mátulega
en ekki um of! Ef sólin gæfi aðeins frá sér helming þeirrar
geislaorku sem hún nú gefur frá sér, myndum við frjósa, og
væri geislamagn hennar helmingi meira stiknuðum við.
Halli jarðar, en möndull hennar hallast um 23 gráður, veld-
ur árstíðum okkar; ef jörðin hallaðist ekki með þessum hætti
inyndi uppgufun úr höfunum færast norður og suður og
hrúga upp heilum meginlöndum af ís.
3