Morgunn - 01.06.1977, Blaðsíða 40

ÆVAR R. KVARAN:
DULSKYNJANIR
iii
SÁLRÆNAR LÆKNINGAR
Þrátt fyrir gífurlegar framfarir á sviðum tækni og lækna-
vísinda, herja margvíslegustu sjúkdómar liinar svokölluðu há-
þróuðu þjóðir Vesturlanda. I rannsóknarstofum er þrotlaust
að því unnið að finna lyf og lækningaaðferðir við þessum
sjúkdómum og oft með undraverðum árangri. En samt er ber-
sýnilegt að þessi göfuga viðleitni hefur ekki undan. Ber eink-
um tvennt til þess: margs konar sjúkdómar virðast skapa sér
ónæmi fyrir nýjum lyfjum eða hlátt áfram nýjir sjúkdómar
stinga upp kollinum. Ég hygg að í læknavísindum eigi sú
skoðun vaxandi fylgi að fagna, að miklu fleiri sjúkdómar eigi
rætur sínar að rekja til andlegra orsaka en áður hefur verið
álitið. En það er að vísu ævaforn kenning, sem lengi hefur
ekki verið sá gaumur gefinn, sem hún á skilið. Efnishyggjan
hefur verið þar um skeið alvarlegur þrándur í götu. En sam-
hand hugsana og sjúkdóma er nú orðið hverjum manni ljóst,
því enginn neitar þvi lengur t. d. að maður geti fengið maga-
sár af áhyggjum Þessi þróun á skilningnum á uppruna sjúk-
dóma og eðli þeirra hefur meðal annars leitt til þess, að sál-
fræðin verður æ mikilvægari þáttur í læknisfræðinni.
Hinn gífurlegri hraði tæknilegrar þróunar á 20. öld hefur
aukið mjög álagið á mannshugann. Árið 1970 kom út bók í
Bandaríkjunum eftir rithöfundinn og blaðamanninn Alvin
Toffer, sem vakti gífurlega athygli. Rer hún nafnið Future
Shock, sem kalla nuetti á íslenzku Ógnir Framtí&ar. Þar lýs-
ir höfundur þeim hættum sem manninum getur stafað af
hinum skelfilega breytingahraða í siðmenningu nútímans,
því hraðaaukningin fari sífeJlt vaxandi. Sýnir höfundur fram