Morgunn - 01.06.1996, Side 15

MORGUNN
athafnir annað en afleiðingar tilfinninga og/eða hugsana? Á
sama hátt eru tilfinningar og hugsanir sprottnar af innri gerð
hverrar sálar. Við höfum ólík tilfinningaleg viðbrögð og
hugsum á ólíkan hátt eftir því hvaða forsendur við höfum - eða
hvernig okkar innri maður er gerður.
Það er ekki á færi venjulegra manna að skoða allar for-
sendur sínar hlutlausum augum, til þess þurfum við að þekkja
sálu okkar frá augum skaparans, og geta skoðað alla reynslu
og öll viðbrögð frá fyrstu stundu.sálarinnar. En að setja sig í
þau spor er einmitt að leggja út á hina myrku braut hins fallna
engils. Vissulega hættulegt fyrir andlega leitendur og þessi
hætta er stöðugt til staðar því um leið og andlegir hæfileikar
þróast og innsæið skerpist, eykst hættan á að sjálfshyggjan eða
egóið nái tökum á tilfinningum og huga. Fyrir þá sem falla í
þessa gryfju getur leiðin til baka verið vandfundin og haft
miklar þjáningar í för með sér.
Það er hjálplegt að gera sér grein fyrir tilganginum með
jarðvistinni. Við höfum öll tvíþættan tilgang með veru okkar
hér. Annars vegar er hinn persónulegi tilgangur þar sem
einstaklingssálin er að afla sér reynslu og um leið að bæta fyrir
fyrri misgjörðir gagnvart náunganum. Hins vegar er stóri
tilgangurinn, sem er öllum sameiginlegur, en það er að yfir-
stíga blekkingar og hindranir sem efnisheimurinn setur fyrir
okkur. Að sjá í gegnum hugann og tilfinningarnar og muna á
hverju augnabliki að við erum sál. Oft virðist óskiljanlegt af
hverju mannkynið þarf að þjást svo mikið sem raun ber vitni. í
lífi hvers einasta manns, eru þjáningar. Af hverju getum við
ekki bara verið hamingjusöm og lifað sátt við tilveruna og aðra
menn?
Ætli það geti ekki einmitt verið af því að við gleymum að
við erum sálir og að raunveruleikinn er hinn andlegi veruleiki?
Við týnum okkur hvað eftir annað í efnisheiminum og höldum
að það sé raunverulegt. Allar kenningar og hugmyndir sem
hafa verið settar fram og fólk hefur tileinkað sér, sem hafa ekki
13