Morgunn - 01.06.1996, Page 33

Bænir
Máttur bænarinnar er eitt sterkasta sönnunargagnið sem okkur
býðst um að við séum meira en bara efnislíkaminn sem við
sjáum með berum augunum.
Við erum margþættar verur. Auk efnislíkamans höfum við
tilfinningar, huga, sál og við erum andar. Ekki eru mörkin
alltaf skýr milli þessara þátta og stundum vill þetta renna
saman. En því betur sem við lærum að þekkja sjálf okkur, því
betur lærum við að greina á milli t.d. hvað kemur frá hugar-
þættinum og hvað kemur frá tilfinningaþættinum, án þess að
rugla því saman, það sama á við um sálarþáttinn.
Ymsar tilraunir hafa verið gerðar í gegnum tíðina varðandi
áhrifamátt bænarinnar og þá fyrst og fremst á vaxtarhraða
plantna. En þeir sem stunda bænir reglulega eru yfirleitt ekki í
vafa og þurfa engar sannanir fyrir áhrifum bæna. En lítum
aðeins nánar á í hverju bænin felst, þetta getur verið ákaflega
misjafnt eftir einstaklingum.
í fyrsta lagi má skipta fólki í tvo hópa, eftir því hverjum
augum það lítur bænina og trúna almennt og er þetta ekki
bundið við kristna trú eina saman. Fyná hópurinn trúir því að
bænin sé afl innra með okkur, hinn hópurinn álítur bænina vera
afl sem er okkur æðra. Þessi tvö sjónarmið haldast í hendur við
tvær mismunandi guðshugmyndir, þ.e. Guð hið innra og Guð
að ofan.
Flest trúarbrögð hafa lagt áherslu á að Guð sé að finna hið
innra með hverju og einu okkar. Og af því dregur fólk iðulega
þá ályktun að bænin sé lifandi afl hið innra með þeim sjálfum.
Sem hlutar af Guði öðlast það hlutdeild í guðlegum krafti
31