Morgunn - 01.06.1996, Side 68

MORGUNN
hafði verið alla ferðina. Yfirleitt var lagst snemma til svefns.
Þegar ég er lögst til svefns birtist frænka mín mér. Hún kemur
til mín svo falleg og segir: ,,Lilja mín, ég er bara að koma að
kveðja þig.“ Síðan hverfur hún á brott og ég lít á klukkuna, þá
er klukkan sex að morgni. Þetta verður til þess að ég get ekki
sofið lengur og fer á fætur og fæ mér göngutúr. En upp úr
klukkan átta er kominn tími til að vekja hina og koma sér af
stað. Það eina sem ég hugsaði um var að komast í síma, og
rúmum sólarhring seinna komum við í Vaglaskóg og fékk ég
að hringja þar. Ég næ sambandi við föður minn og hann segir
mér að frænka mín hafi dáið klukkan sex morguninn áður. Og
hvemig sem á því stóð var það sama morgun og hún birtist
mér.
66