Saga - 1977, Side 152

146
SIGURÐUR RAGNARSSON
Þriðja skýrsla Einars Benediktssonar var um verzlun
á Islandi og þróunarmöguleika hennar. Var sú skýrsla
stíluð til stjórnarmanna The North-Westem Trading
Company Ltd., sem var dótturfélag The British North-
Westem Syndicate. Með skýrslu þessari fylgdu tvö fylgi-
skjöl. Var þar annars vegar um að ræða stutta umsögn um
áform félaganna á verzlunarsviðinu og framtíðarhorfur á
Islandi. Höfundur þessa plaggs var Ólafur Árnason kaup-
maður á Stokkseyri. Taldi hann framtíðaráform félag-
anna öll hin álitlegustu. Leiðir þeirra Ólafs og Einars
höfðu legið saman á sviði verzlunarmála nokkrum árum
áður (um áramótin 1906—1907), þegar þeir höfðu for-
ystu um stofnun Kaupfélagsins Ingólfur á Stokkseyri. Var
þetta eins konar hlutafélag bænda í Árness- og Rangár-
vallasýslum. Keypti það verzlun Ólafs, en hann varð stærsti
hluthafinn og framkvæmdastjóri félagsins.22)
Síðara fylgiskjalið var vottorð frá Ágústi Flygenring
kaupmanni og útgerðarmanni, þar sem lokið er miklu lofs-
orði á verzlunaraðstöðu þá, sem Einar hafi komið upp í
vöruhúsi sínu við Austurstræti í Reykjavík, en gert var ráð
fyrir því, að verzlunarfélagið yfirtæki þetta húsnæði.
Ágúst Flygenring var á þessum tíma konungkjörinn al-
þingismaður.
Þá má geta þess að lokum, að með skýrslunum var
prentað eins konar „meðmælabréf“, sem Einar hafði feng-
ið frá Eggert Claessen málaflutningsmanni. Var það á
þessa leið: „I have much pleasure in stating that Mr. Ein-
ar Benediktsson enjoys a high reputation of being a very
able man, possessing not only ability but a clear insight
into the future possibilities of the developement of the re-
sources of Iceland and that I consider his qualifications for
initiating financial and other enterprises as superior to
that of any other Icelander known to me. He is the owner
of extensive propertis and according to Icelandic ideas a
22) Laust mál, bls. 637.