Saga - 1977, Qupperneq 158

152
SIGURÐUR RAGNARSSON
The Harbour and Piers Association Ltd. Félag þetta var
stofnað á fundi í London 18. október 1913. Var forseti þess
Frederick Hinde málafærslumaður í London, en aðrir
stjórnarmenn þeir James Scott hæstaréttarlögmaður í Ed-
inborg og Einar Benediktsson.40) Það samdi um kaup á
stóru landsvæði við Skerjafjörð og hugðist koma þar upp
hafskipahöfn („Port Reykjavík“) og reisa þar nýja
Reykjavík. Voru framkvæmdaáformin öll hin stórfengleg-
ustu svo sem vænta mátti. Til viðbótar skýrslu, sem for-
seti félagsins gaf á stofnfundinum, var hluthöfum send
greinargerð, þar sem nánar var skýrt frá ýmsum atriðum
er málið vörðuðu.41) Er í greinargerð þessari vitnað til
umsagnar Ólafs Árnasonar kaupmanns um fyrirtækið og
þá sérstaklega um verðmæti lands þess, er félagið hafði
fest kaup á, en Ólafur sagði m.a.: „Within the past ten
years to my knowledge certain lands in Reykjavik have
increased over 400% in value and general property has ri-
sen very fast in this period“. Vitnar Ólafur síðan máli
sínu til stuðnings í yfirlýsingu frá Friðrik Jónssyni kaup-
manni (Sturlubróður) um geysimiklar hækkanir á verð-
mæti lóða og fasteigna í Reykjavík og næsta nágrenni bæj-
arins hin síðari ár. Þá er í greinargerðinni birt vottorð
frá Þórami Tulinius, forstjóra Thorefélagsins (tekið er
sérstaklega fram, að félagið „njóti ríkisstyrkja“ til að
halda uppi gufuskipaferðum milli Reykjavíkur og Kaup-
mannahafnar), þar sem hann lýsir þeirri skoðun sinni, að
allar aðstæður til hafnargerðar og mannvirkjagerðar yf-
irleitt í Skerjafirði séu hinar ákjósanlegustu. Það er eftir-
tektarvert, að Einar notar í þessu tilviki svipaða aðferð
og þegar hin miklu framkvæmdaáform samlagsins voru á
döfinni nokkrum árum áður. Hann reynir að afla vottorða
40) Laust mál, bls. 660—662. Sjá ennfremur Isafold 13. ágúst og
15. október 1913, Vísi 13. september og Morgunblaðið 3. nóv-
ember.
41) Afrit af greinargerð þessari er í fórum höfundar.