Saga - 1977, Qupperneq 185

FOSSAKAUP OG FRAMKVÆMDAÁFORM 179
sem lögfræðings var einmitt fólginn í ýmiss konar ráðgjöf
og þjónustu við norsk fyrirtæki erlendis, einkum í Sví-
þjóð, þar sem hann átti sjálfur hagsmuna að gæta. Þá var
á fundinum samþykkt að Eggert Claessen yrði lögfræði-
legur ráðunautur félagsins á Islandi.
Hinn 21. júní 1915 var haldinn aukahluthafafundur í
Titan. Var fundurinn haldinn í Kristianiu. Tilefni hans
var, að hinn 10. maí hafði Einar Benediktsson sent stjóm
félagsins tillögu um hækkun hlutafjár félagsins úr 2 millj.
kr. í 4.995.500 kr. Stjórnin hafði kynnt hluthöfum tillög-
una eins og mælt var fyrir um í lögum félagsins. Islenzku
stjórnarmennirnir þrír auk Eggerts Claessen tjáðu sig með
bréfi frá 10. júní samþykka hinni framkomnu tillögu, og
var hún síðan samþykkt í einu hljóði á fundinum. Þessi
ákvörðun um hækkun hlutafjárins studdist við sömu rök
og fyrri ákvörðun um þetta efni.
Reglulegur hluthafafundur fyrir árið 1915 var síðan
haldinn hinn 16. desember. Þann fund sátu m. a. Einar
Benediktsson og G. Sætersmoen verkfræðingur, en hann
hafði dvalizt á Islandi um sumarið við rannsóknar á Þjórsá
ásamt aðstoðarmönnum.6) 0. A. Herud var á þessum fundi
endurkjörinn formaður félagsstjórnarinnar, en Oluf Aall
kom nýr inn í stjórnina sem annar tveggja fulltrúa liinna
norsku hluthafa.
Reglulegur hluthafafundur í Titan fyrir árið 1916 var
haldinn hinn 20. desember. Þar fóru þó ekki fram nein eig-
inleg aðalfundarstörf, því að ákveðið var að fresta fund-
inum til 21. febrúar 1917. Var sú ákvörðun tekin með hlið-
sjón af því, að boð höfðu borizt frá Einari Benedikts-
syni um að hann yrði um þær mundir staddur í Kristianiu.
Fór sá fundur síðan fram á tilsettum tíma. Það var svo
hinn 7. júlí 1917, að haldinn var aukafundur hluthafa í
Titan til að fjalla um tillögu um að sameina Titan og hin
þvjú félögin, sem stofnuð höfðu verið til öflunar vatnsrétt-
fl) Laust mál, bls. 694.