Vera - 01.02.2003, Qupperneq 52

Þar sem bestu blómin gróa
Þórunn Þórsdóttir Guðrún Vilmundardóttir dramatúrg í Borgarleikhúsinu »Einstaklega
skemmtileg, er fyrsta lýsing Guðrúnar Vilmundardóttur leiklistarráðu-
nauts Borgarleikhússins á vinnu sinni. Hún felst í að lesa ný og gömul
leikrit, erlend og íslensk, ýmist tilbúin eða þurfandi fyrir athugasemd-
ir og breytingar. Þessi lestur og aðild að verkefnavali leikhússins er
starf Guðrúnar með Hafliða Arngrímssyni dramatúrg og Guðjóni Ped-
ersen, Gíó, leikhússtjóra. Guðrún kemur að fleiri atriðum; stundum
æfingum þar sem sem þýða þarf texta, stytta eða staðfæra, útgáfu á
leikskrám, skipulagi málfunda og alls konar verkefnum öðrum í leik-
húsinu. Svo er hún sjálf að fást við þýðingar. Bæði á leikritum, eins og
Jóni og Hólmfríði sem nú er á fjölunum, og bókum eins og Undrun og
skjálfta eftir Amélie Nothomb, sem út kom í neon-klúbbi bókaforlags-
ins Bjarts í haust. „Leikhúsið er vinnan mín og mikið uppáhald," segir
Guðrún, „og bækurnar helsta áhugamálið."
52 / dramatúrg / 1. tbl. / 2003 / vera