Uppeldi og menntun - 01.07.2011, Page 53

Uppeldi og menntUn/icelandic JoUrnal of edUcation 20 (2) 2011 53
Hanna raGnarsdóttir
Menntavísindasviði Háskóla íslands
Uppeldi og menntun
20. árgangur 2. hefti 2011
Líf og störf ungra innflytjenda
Reynsla ungmenna af tíu ára búsetu á Íslandi
Í greininni er fjallað um helstu niðurstöður rannsóknar meðal níu ungmenna af erlendum
uppruna sem búsett eru á höfuðborgarsvæðinu . Markmiðið var að afla upplýsinga um reynslu
þeirra af lífi og starfi í íslensku samfélagi undanfarin ár . Sérstök áhersla var á upplifun þeirra á
skólagöngu á Íslandi og hvernig þau teldu að íslenskir skólar gætu betur komið til móts við inn-
flytjendabörn . Ítarleg einstaklingsviðtöl voru tekin við níu ungmenni á aldrinum 15–24 ára,
sex stúlkur og þrjá pilta . Tvö þeirra eru af evrópskum uppruna og sjö af asískum . Í greininni er
leitast við að draga fram sögu þeirra og reynslu síðan höfundur tók viðtöl við sömu ungmenni
á árunum 2002–2005 . Helstu niðurstöður benda til þess að ungmennin hafi náð að aðlagast
íslensku samfélagi og þau líti framtíðina björtum augum . Þau telja reynslu sína af tveimur
menningarheimum og tungumálakunnáttu veita sér styrk . Nokkur þeirra eiga enn í erfiðleikum
með íslensku í námi sínu . Þau telja að betur megi styðja við íslenskunám innflytjenda í fram-
haldsskólum og stuðla þurfi að auknum félagslegum tengslum nemenda af ólíkum uppruna .
Efnisorð: Ungmenni af erlendum uppruna, aðlögun, menningarleg sjálfsmynd,
framtíðarsýn
inn gang ur
Ungir innflytjendur á Íslandi eru áhugaverður hópur en í honum er m.a. að finna eina
fjölbreyttustu og fjölmennustu kynslóð innflytjenda á Íslandi (Hagstofa Íslands, 2011).
Í hópi ungra innflytjenda eru börn sem komu til Íslands á fyrstu árum ævi sinnar og
hafa gengið í íslenska leik- og grunnskóla frá upphafi en einnig ungmenni sem flust
hafa til landsins á miðri grunnskólagöngu sinni eða í lok hennar.
Árið 2002 hófst rannsókn höfundar með tíu fjölskyldum innflytjenda og stóð hún
til 2005 (Hanna Ragnarsdóttir, 2007, 2008). Í þessum fjölskyldum, sem bjuggu á höfuð-
borgarsvæðinu, voru í upphafi rannsóknar alls nítján börn á leik- og grunnskólaaldri.
Rannsóknin sneri að reynslu fjölskyldnanna af íslensku samfélagi og skólagöngu