Uppeldi og menntun - 01.07.2011, Síða 108

Uppeldi og menntUn/icelandic JoUrnal of edUcation 20 (2) 2011108
„mín köllUn er að hJálpa og reyna að láta gott af mér leiða“
til framtíðar og segir þátttökuna „gefa [s]ér mikið upp á framtíðina, ef maður verður
foreldri sjálfur eða bara fyrir lífið sjálft í samskiptum“. Síðast en ekki síst nefnir unga
fólkið eins og Skúli orðar það:
Manni líður betur af því að taka þátt í svona starfi … Ég hef alltaf eitthvað að gera …
og svo náttúrulega gerir maður þetta fyrir aðra líka.
Eins og sjá má telja ungmennin almennt að sjálfboðaliðastarfið gefi þeim tækifæri til
að styrkja sjálfstraust sitt og félagshæfni. Þeim finnst starfið skemmtilegt og ánægju-
legt að geta gefið af sér. Skýrt kemur jafnframt fram að þau vilji leggja sitt af mörkum
til samfélagsins og hafi fundið áhuga sínum farveg með ýmsum leiðum í sjálfboða-
liðastarfi.
Framtíðarþátttaka. Ungmennin eru þeirrar skoðunar að það að taka þátt í sjálfboðaliða-
starfi á unga aldri auðveldi þeim þátttöku síðar meir og stefna þau öll að því. Ari segir
í þessu samhengi:
Maður er búinn að prófa þetta og þetta hentar manni; þá er það svona staðfesting á
að þetta sé eitthvað sem ég hef ánægju af og stefni þá frekar að í framtíðinni. Þátt-
takan leiðir ekkert nema gott af sér.
Sjálfboðaliðastarfið togi í fólk þegar það hafi einu sinni tengst því eins og Gunnar
segir:
Ég mun alveg örugglega vera að einhverju leyti í svona sjálfboðaliðastarfi áfram
… Það er oft sagt í Rauða krossinum að hann sé svolítið eins og sagt er í „Hotel
California“-laginu: You can check out, but never leave. Það er eiginlega þannig þegar
maður er kominn inn!
Þá sjást þess merki, einkum í hópi eldri ungmennanna, að framtíðaráform þeirra um
nám og störf hafi mótast í og með af sjálfboðaliðaþátttökunni. Ari lýsir því hvernig
sjálfboðaliðastarfið í Palestínu hafi orðið til þess að hann ætli sér að verða blaðamaður
til að geta fjallað um mál eins og ástandið þar og haft þannig áhrif á samfélagið. Gunnar
segir frá því hvernig reynsla hans af því að vera stuðningsaðili fatlaðs drengs hafi
orðið „til þess að ég fór að pæla í sálfræðinni sem möguleika í framhaldsnámi“ og
bætir við að ef hann gæti tengt það starf sjálfboðaliðastarfi væri það „algjör draumur“.
Helga, sem hefur lifað og hrærst í félagsmálum frá því hún var barn, segist stefna á
háskólanám með áherslu á félags- og stjórnmálafræði. Hún ætli að berjast fyrir betri
lífsleiknikennslu og því að láta rödd ungmenna heyrast. Þátttaka Skúla í sjálfboðaliða-
starfi varð kveikja að framtíðaráformum um að verða „tónlistarmaður“. Tinna er enn
óviss um framtíðaráform sín en er þó viss um að hún vilji halda áfram í sjálfboðaliða-
starfi og nefnir hjálparstarf kirkjunnar.
Gildi ungmennanna
Ungmennunum voru ýmis gildi hugstæð sem lesa mátti úr orðum þeirra (sjá töflu).
Meginþemun sem fram komu voru gildin réttlæti, hjálpsemi, samkennd og ábyrgðar-