Læknablaðið - 15.05.1999, Blaðsíða 78

458
LÆKNABLAÐIÐ 1999; 85
en á hinn bóginn má benda á
að kandídatinn hefur vinnu-
skyldu þannig að hann getur
lagt talsvert af mörkum. Þetta
er starfsþjálfun og á heilsu-
gæslustöðvum jafnt sem
sjúkrahúsum eru kandídatar
vinnuhestar eins og landlækn-
ir orðaði það.“
Erfitt að sjá fyrir
sveiflur
- En hvað um að víkka
numerus clausus eða jafnvel
afnema hann?
„Við erum þegar búnir að
ákveða að fjölga nýnemum úr
36 í 40 á ári. Ef við ætlum að
fjölga læknanemum umfram
það þurfum við að gera okkur
grein fyrir því hvert hlutverk
læknadeildar á að vera í því að
leysa þennan vanda. Það tekur
11-12 ár að mennta lækni og
við getum ekki séð fyrir þörf-
ina 12 ár fram í tímann. Við
vitum að við menntum nógu
marga og sveiflurnar geta ver-
ið miklar. Eg minni á að nú eru
á fimmta hundrað íslenskir
læknar í útlöndum og það eru
ekki nema fimm ár síðan menn
biðu í röðum eftir hverri stöðu
sem losnaði hér heima. Þá var
offramboð á læknum.
Á síðustu árum virðist mér
að sú breyting hafi orðið á við-
horfum læknanema að draum-
urinn um að vinna á Islandi,
sem var allsráðandi þegar ég
var í námi, hafi dvínað mikið.
Alþjóðavæðingin hefur sín
áhrif. Og læknadeild getur ekki
tekið ábyrgð á því að bregðast
við þessum sveiflum. Við erum
tilbúin að fjölga nemum jafn-
vel meira en upp í 40 og auka
framboð á námi í lækningum
utan sjúkrahúsa. Einnig viljum
við reyna að gera eitthvað sér-
stakt fyrir dreifbýlið.
Varðandi það hvort við get-
um hugsað okkur að falla frá
numerus clausus þá er það
alltaf til umræðu hvaða að-
ferðum skuli beita til að velja
læknanema. Samt sem áður
verður alltaf að miða við
ákveðqinn fjölda. Þegar líður
á námið fer kennslan fram
maður á mann svo það verður
að vera ljóst frá upphafi
hversu inargir nemendur eru
teknir inn. Ef við létum
eftirspurnina ráða þá gætu
sveiflumar orðið meiri en svo
að við réðum við þær."
Framhaldsnám eflt á
íslandi?
Þær lausnir sem nefndar
hafa verið snúa eingöngu að
skorti á heimilislæknum en
eins og fram kom í fyrstu
greininni þá ríkir hér á landi
skortur á unglæknum til starfa
á sjúkrahúsum. Það blasir líka
við að sá skortur mun verða
illviðráðanlegur þegar vinnu-
tímatilskipun Evrópusam-
bandsins tekur gildi hér á
landi. Helsta ástæðan fyrir
þessum skorti er að svo til all-
ir íslenskir læknar stunda
framhaldsnám í öðrum lönd-
um og eru því ekki tiltækir
meðan á því stendur.
Nú eru einungis fjórar
námsstöður sem ætlaðar eru
læknum í framhaldsnámi og
þær eru í heimilislækningum.
Jóhann Ágúst slær því föstu
að sú leið að auka framhalds-
nám hér á landi sé ekki varan-
leg leið til að mæta lækna-
skortinum.
„Það er engin ástæða til að
stefna að því að framhalds-
námið færist að öllu leyti
hingað til lands. Eg er þeirrar
skoðunar að æskilegast sé að
læknar fari utan til framhalds-
náms. Við eigum töluvert
langt í land með að skapa það
akademíska umhverfi sem er
nauðsynlegt til þess að halda
uppi góðu framhaldsnámi.
Hins vegar væri þarft að bjóða
unglæknum upp á einhvern
valkost sem gæti orðið til þess
að þeir stöldruðu við hér á
landi í þetta tvö eða þrjú ár að
loknu kandídatsári. Þar mætti
hugsa sér námskeiðahald sem
nýttist mönnum í framhalds-
námi. Þetta gæti orðið til þess
að hvetja okkur til dáða á
ýmsum sviðum kennslunnar
og aukið gæði læknisfræðinn-
ar þegar til lengri tíma er litið.“
Svo mörg voru þau orð Jó-
hanns Ágústs Sigurðssonar
prófessors og forseta lækna-
deildar. í þriðju grein er ætl-
unin að velta því fyrir sér
hvort þörf sé á því að breyta
einhverju í uppbyggingu heil-
brigðiskerfisins til þess að
laga það að framboði á lækn-
um og öðrum heilbrigðisstétt-
um. Er kannski ástæða til þess
að taka hefðbundna verka-
skiptingu lækna og annarra
stétta til endurskoðunar?
-ÞH
Leiðrétting
I fyrri grein um lækna-
skortinn var látið í það
skína að ágreiningur ríkti
um það milli landlæknis og
landsybggðarlækna hver
væri raunverulegur skortur
á læknum á landsbyggð-
inni. Það er að sjálfsögðu
alger misskilningur sem
skrifast á reikning blaða-
manns. Við vinnslu grein-
arinnar varð dálítið sam-
bandsleysi sem kom í veg
fyrir að þetta atriði yrði
leiðrétt í próförk. Við biðj-
um landlækni, lesendur og
aðra sem hlut eiga að máli
velvirðingar á þessum mis-
tökum.
-ÞH