Læknablaðið - 15.05.1999, Blaðsíða 118
494
LÆKNABLAÐIÐ 1999; 85
Af læknaskopi
Eins og spurst hefur út voru Norræn samtök
um læknaskop (Nordisk Selskap for Medisinsk
Humor) stofnuð í Lyngby í útjaðri Kaup-
mannahafnar 16. janúar síðastliðinn. Stofn-
fundinn sat 51 læknir frá Norðurlöndunum; 17
Norðmenn, sex Svíar, 25 Danir og þrír íslend-
ingar. Af þeim var Bjarni Jónasson fulltrúi
Læknafélags Islands og jafnframt styrkti Félag
íslenskra heimilislækna hann til fararinnar.
Fundurinn var aldrei leiðinlegur og vakti mikla
athygli fjölmiðla. Á fundinum var kosin sex
manna stjórn með Stein Tyrdal bæklunarlækni
frá Osló sem forseta og auk hans eru í stjórn-
inni einn Norðmaður, tveir Danir, Svíi og Is-
lendingur (BJ, sem varaforseti). I varastjórn er
Pétur Pétursson ásamt Dana.
Á stofnfundinum voru samþykkt lög og
reglur samtakanna og fylgja þau pistli þessum.
Á símafundi stjórnar 2. mars síðstliðinn var
síðan ákveðið, að árgjald yrði 200 krónur í
gjaldmiðli viðkomandi lands og var sú tillaga
ekki íslensk! Nú er því tækifærið, landar góðir
að fá eitthvað fyrir peningana!
Fimmta mars síðastliðinn var haldinn kynn-
ingarfundur á vegum Fræðslustofnunar LI um
læknaskop og sáu 26 læknar ástæðu til að
mæta. Aðalgestur fundarins var Mats Falk frá
Smálöndum í Svíþjóð, sem kom, sá og briller-
aði. Undirritaður hefur aldrei orðið vitni að því
áður, að jafnmargir læknarhafi hlegið jafnlengi
og jafnoft á fundi á vegum læknasamtakanna
og er þó af ýmsu að taka. Framundan er svo
fyrsta norræna þing Nordisk Selskap for Medi-
sinsk Humor og verður það haldið í Alvdal í
Noregi 24.-25. september næstkomandi. Áhug-
inn er geysilegur og liggur við að slegist sé um
að fá að troða upp með fyrirlestur. Dagskráin
verður kynnt síðar í Læknablaðinu.
Þeir kollegar, sem áhuga hafa á að vera fé-
lagar í Norrænum samtökum um læknaskop
hafi samband við Bjarna Jónasson, Heilsugæsl-
unni í Garðabæ, (sími 520 1800, bréfsími 520
1819, netfang bjarni.jonasson@gb.hgst.is).
Þeir fá síðan send eyðublöð vegna umsóknar
um félagsgjald og fara á lista yfir þá sem fá
sendan póst á vegum samtakanna.
HERMAN
„Gœtirðu ekki sett höndina á mér ífatla svo ég
losni viö að vaska upp nœstu vikurnar?“
Norræn samtök um læknaskop
Lög og reglur, sem samþykkt voru á stofn-
fundi samtakanna 16. janúar 1999.
§ 1. Norræn samtök um læknaskop eru sér-
stakur félagsskapur þeirra, sem áhuga hafa á
læknaskopi.
§ 2. Tilgangur samtakanna er:
a) að nota kímni innan heilbrigðiskerfisins til
þess að laða fram leikandi og læknandi
krafta lífsgleðinnar,
b) að efla skopskyn til að bæta samband félags-
manna sín í milli og við aðra,
c) að stuðla að vísindastarfsemi um skop, eink-
um hvað varðar þýðingu skops fyrir heilsuna,
d) að nota skop til að bæta heilbrigði fólks,
heilbrigðisfræðslu og meðferð sjúklinga,
e) að nota skop sem leið til að skilja sjálfan sig
betur, bæta samskipti við aðra, auka lífsgleði
og koma í veg fyrir útbruna,
f) að eiga ánægjustund með sjálfum sér og
kollegum og vinna þannig gegn því að menn
taka sjálfa sig of hátíðlega.