Milli mála - 01.01.2011, Qupperneq 41

41
í héraðið“.42 Og það er ekki hvað síst í ljósi þessara ummæla sem
skáldverk Anacristina Rossi Limón Blues og Limón Reggae reynast
verðugur efniviður til rannsókna á mótun sjálfsmynda, þjóðar ein-
kennum og sögu kvenna.
Rossi byggir verk sín á ítarlegri rannsóknarvinnu um sögu og
menningu landsvæðisins og á eigin reynslu, því þó að Rossi sé fædd
í San José er hún að hluta alin upp í hafnarborginni Limón og er af
blönduðum uppruna eins og flestir íbúar borgarinnar. Rossi tekur að
sér að skrifa arfleifð minnihlutahópa inn í bókmenntir landsins og
leggur sitt af mörkum til þess sem Quince Duncan hvatti til að gert
væri, að „vegsama fjölmenningu og ólíkan uppruna íbúa Kosta-
ríku“.43
3. Limón Blues
Í Limón Blues birtist aðalpersónan Orlandus Robinson okkur strax á
fyrstu síðum skáldsögunnar. Hann er blökkumaður frá Jamaíku,
sem kominn er til hafnar borgarinnar Limón í Kostaríku að áeggjan
móður sinnar. Hann er á leið til þorpsins Cahuita sem staðsett er á
ströndinni um 60 km sunnan við Limón. Ætlun hans er að rækta
upp landspildu sem fjölskyldan hefur eignast í því skyni að vinna
sér inn fé og snúa síðan aftur til heimalandsins. Þetta er árið 1904
og um leið og þroskasaga Orlandusar lýkst upp fyrir lesandanum er
byggða saga Karíbahafsstrandarinnar opinberuð.44 Ungi farand-
verka maður inn er á jaðri samfélagsins og samtímis því sem sjálfs-
vitund hans vaknar leiðir Rossi lesandann um þann flókna vef
mann lífs og menningar sem er í mótun á svæðinu. Skáld sagan
42 „one important group that is always overlooked are the women who arrived in the region as
daughters, sisters, wives, and mothers of the workers. […] Nevertheless, thousands of women did
make their way to the region“, Ronald N. Harpelle, sama rit, bls. 13–14. Í bókinni Blacks &
Blackness in Central America fjallar hann enn frekar um stöðu kvenna og segir: „[…] and women,
when they do appear, are usually just a footnote in a male-centered story of conquest“, bls. 309.
43 „enaltecer el carácter pluricultural y multiétnico del pueblo costarricense“, Quince Duncan, Contra
el silencio: afro descendientes y racismo en el Caribe continental hispánico, San José, Kostaríka: EUNED,
2011, bls. 211.
44 Patricia Alverenga Venotolo, „La inmigración extranjera y la nación costarricense“, Heredia, Costa
Rica: Universidad Nacional, sjá: http://www.denison.edu/istmo/articulos/inmigracion.html [sótt í
september 2011].
HÓLMFRÍðUR GARðARSDÓTTIR