Milli mála - 01.01.2011, Side 181

181
fræðslu eins og hún lýtur að innflytjendum á Íslandi og á Norður-
löndum í heild og rætt um hvað megi læra af saman burðar-
rannsókninni.
Nokkuð hefur áunnist í menntunarmálum innflytjenda í stuttri
innflytjendasögu Íslands. Milli áranna 2006 og 2007 varð tíföldun
á fjárframlögum til þessa málaflokks, sem lýsir vilja hins opinbera
til að styðja við aðlögun innflytjenda. Frá árinu 2007 hefur það
verið skýr stefna að innflytjendur njóti sömu réttinda og aðrir íbúar
landsins. Misvel hefur hins vegar gengið að framkvæma stefnuna.
Sjálfsagt hefur efnahagsástandið haft einhver áhrif en það hlýtur að
hamla framkvæmd stefnunnar að ekki er sérstök deild innan stjórn-
sýslunnar eða sérfróðir fulltrúar sem eingöngu fást við málefni
innflytjenda. Einsleitni námskrár, skortur á reglum um mat á fyrra
námi og starfsreynslu innflytjenda, skortur á menntuðum kenn ur-
um, prófum og góðu námsefni bera vott um þetta.
Það var mikil bót fyrir íslenskukennslu fyrir útlendinga að fá
námskrá í íslensku sem öðru máli. Námskráin gerði það að verkum
að námskeið út um allt land urðu samhæfðari og hnitmiðaðri. Á
hinn bóginn dugar ein námskrá ekki öllum þeim margbreytilega
hópi fólks sem þarf að læra íslensku eins og norræna saman burðar-
rann sóknin bendir á. Farsælar námsleiðir og námskeið taka tillit til
undir búnings og þarfa nemenda. Það er athyglisvert að þó svo að
stærsti fræðsluaðili á sviði íslenskukennslu fyrir útlendinga, Fræðslu-
miðstöð atvinnulífsins, tengist atvinnulífinu virðist sem tilkoma
námskrár hafi haft þau áhrif að námskeið verða almennari, líka hin
svokölluðu starfstengdu námskeið sem þurfa að fylgja námskrá til
að fá styrk frá hinu opinbera. Námskeiðin hafa því orðið einsleitari
og raunverulegum starfstengdum námskeiðum hefur fækkað.66
Erfiðara er að fjármagna sértæk námskeið sem þjóna afmörkuðum
markhópum og þeim hefur einnig fækkað. Þetta leiðir til þess að
háskólamenntaðir og ólæsir sitja oft í sömu námskeiðum þrátt fyrir
gerólíkar þarfir þessara hópa. Það sama má segja um próf. Frá
kennslufræðilegu sjónarmiði er það afar óheppilegt að allir nemendur
séu settir undir sama hatt án tillits til námsundirbúnings eða þarfa
og þetta er ekki raunin annars staðar á Norðurlöndum. Hér þurfa
66 Birna Arnbjörnsdóttir og Ingibjörg Hafstað, Integration af indvandrere gennem voksen- og efterud-
dannelse.
BIRNA ARNBJÖRNSDÓTTIR