Milli mála - 01.01.2011, Side 182

182
Íslendingar að gera betur og geta lært sérstaklega af Dönum sem
hafa verið öflugir í þróun mats.
Gera verður skýrari kröfur um gæðaeftirlit með íslenskunámi
fyrir fullorðna. Árin 2008 og 2009 fengu að meðaltali 70
fræðsluaðilar og fyrirtæki styrki, allt frá mjög litlum upphæðum
upp í tugi milljóna króna sem fóru til Fræðslumiðstöðvar atvinnu-
lífsins. Þessi mikla dreifing hlýtur að vekja spurningar um að hve
miklu leyti unnt sé að fylgja eftir gæðakröfum og eftirliti sem
mennta- og menningarmálaráðuneytið ber ábyrgð á og kveðið er á
um í framkvæmdaáætlun. Í greinargerð verkefnisstjórnar um
íslenskukennslu frá 2008 er tekið fram að ekki hafi verið til
gæðaviðmið til að stýra vinnu verkefnisstjórnarinnar. Verkefnis-
stjórnin lét því gera könnun á styrkveitingum árið 2009.67 Könn-
un in segir því miður lítið um gæði námskeiða sem styrkt voru enda
er könn unin afar almenn og ber vott um að hér voru ekki
sérfræðingar í annars málsfræðum á ferð heldur sérfræðingar í mati.
Auk þess sem úthlutunarreglur ráðuneytisins stuðla að einsleitni
námskeiða er hugsanlegt að kennarar treysti sér ekki til að víkja of
langt frá námskrá og því námsefni sem í boði er, einfaldlega vegna
þess að þeir telja sig hvorki hafa menntun né þekkingu til þess. Það
eru of fáir vel menntaðir kennarar í annarsmálsfræðum á vettvangi.
Markviss menntun og símenntun kennara í íslensku sem öðru máli
hefur ekki verið í boði og engin opinber starfslýsing eða kröfur um
færni kennara á þessu sviði hefur verið samþykkt. Í stefnu
ríkisstjórnarinnar segir að fjölga eigi vel menntuðum kennurum
með því að auka framboð náms m.a. með samningum við háskóla.
Hér er mikið verk óunnið og brýnt í ljósi niðurstaðna hér að ofan að
gera átak í menntun kennara. Aðeins í Danmörku eru gerðar skýrar
kröfur til menntunar kennara í dönsku sem öðru máli. Hér er því
tækifæri til samvinnu meðal Norðurlandaþjóðanna um kennara-
mennt un. Sameiginlegt norrænt kennaranám, a.m.k. að hluta, væri
tilvalið og myndi auka gæði og samhæfingu og möguleika á að nýta
sérþekkingu innan allra Norðurlandanna.68
67 Könnun á ráðstöfun styrkja til íslenskukennslu fyrir útlendinga, Reykjavík: Háskóli Íslands/
Félagsvísindastofnun, 2009, www.bella.stjr.is/utgafur/radstofun_styrkja_v_islensku-
kennslu_0408.pdf [sótt 15.08.09].
68 Karen Lund og Birna Arnbjörnsdóttir, „Integration af indvandrere gennem voksen- og efterud-
dannelse. En nordisk komparativ undersøgelse“, NORAND 10, Reykjavík, 24.–27. maí 2011.
STEFNA OG FRAMKVÆMD SÍMENNTUNAR OG AðLÖGUN INNFLYTJENDA …