Læknablaðið - 15.11.2005, Blaðsíða 53

UMRÆÐA & FRÉTTIR / NÝR SPÍTALI
Byrjað á bráðadeildunum
Nú blasir við að semja við hópinn um gerð deili-
skipulags að svæðinu sem eins og kunnugt er
afmarkast af nýju Hringbrautinni, Njarðargötu,
gömlu Hringbraut, Barónsstíg, Eiríksgötu og
Snorrabraut. Eitt þeirra atriða sem dómnefndin
taldi sigurtillögunni til tekna var skýr og sannfær-
andi áfangaskipting. Samkvæmt henni verður haf-
ist handa um leið og deiliskipulag liggur fyrir við
að flytja gömlu Hringbraut upp að húsi geðdeildar
en þaðan á hún að liggja í beinni línu meðfram
aðalbyggingunni og barnaspítalanum og falla inn
á sitt núverandi vegarstæði rétt vestan núverandi
gatnamóta Laufásvegar og Hringbrautar. Til þess
að þetta sé hægt þarf að rífa suðurbyggingu gamla
Hjúkrunarskólans.
Arið 2009 á að hefja uppbyggingu bráðakjarna
sem verður í tveim byggingum sunnan aðalbygg-
ingarinnar. A milli þeirra verður torg sem liggur
upp að aðalbyggingunni en tengslin milli bráða-
kjarna og núverandi bygginga verður um göng.
Einnig verður byggt neðanjarðarbflastæði sunnan
við geðdeildina. I þessum áfanga verður byggð ný
bráðamóttaka, gjörgæsla, myndgreining og skurð-
stofur en dag- og göngudeildir verða í núverandi
byggingum.
Bráðakjarninn liggur norðan við núverandi
vegarstæði gömlu Hringbrautar en það á að lifa
áfram sem yfirbyggð gata inni í nýja spítalanum.
Sunnan við hana munu í öðrum áfanga rísa legu-
deildir og rannsóknarstofur, auk þess sem aðalinn-
gangur verður reistur vestan þessara bygginga.
Til þess að þetta megi gerast þarf að rffa húsnæði
læknadeildar HÍ - Tanngarð sem svo er nefndur.
Einnig verður afgangurinn af Hjúkrunarskólanum
rifinn, svo og rannsóknarstofurnar sem nú eru í
skúrbyggingum norðarlega á lóðinni. Kvennadeild
og barnaspítali verða tengd öðrum byggingum og
Blóðbankanum og núverandi Rannsóknarstofu í
meinafræði breytt í gestaíbúðir.
I þriðja áfanga rísa svo göngu- og dagdeild-
ir og háskólabyggingarnar vestast á svæðinu.
Geðdeildin verður stækkuð og byggt yfir barna- og
unglingageðdeildina norðan við barnaspítalann.
Loks verður byggð kapella upp undir Barónsstíg.
A þessu stigi verður bráðamóttakan rifin og einnig
núverandi aðalinngangur og skurðstofur milli að-
albyggingar og núverandi legudeilda.
Fjármagnið tryggt
Þannig verður nýi spítalinn byggður í grófum
dráttum. Við þessa lýsingu má lengi bæta enda
mannvirkið tröllvaxið, alls er gert ráð fyrir að reisa
nýbyggingar fyrir sjúkrahúshlutann sem nema
tæplega 94.000 fermetrum en núverandi byggingar
Arkitektahópurinn við líkanið að sigurtillögunni. Talsmaður liópsins er Helga Benedikts-
dóttir, sú með blómvöndinn. Lengst til hœgri má sjá Jón Kristjánsson heilbrigðisráðherra.
Tillagan hefur ýmsa kosti
- segir Sigurður Ólafsson formaður skipulags- og
þróunarnefndar læknaráðs Landspítala
Meðan dómnefnd lá yfir tillögum
arkitektahópanna sjö fékk hún á
sinn fund fjölmarga ráðgjafa og
fulltrúa starfsmanna til að auð-
velda sér ákvarðanatökuna. Meðal
þeirra sem nefndin ræddi við var
Sigurður Ólafsson sérfræðingur í
meltingarsjúkdómum en hann er
formaður skipulags- og þróunar-
nefndar læknaráðs Landspítala.
Læknablaðið bað hann að segja álit
sitt á sigurtillögunni.
„Eg vil nú taka það fram að ég
hef ekki haft tækifæri til að setja mig
ítarlega inn í tillögurnar sem bárust
en þær voru margar athyglisverðar.
Það hefur ekki verið auðvelt verk
fyrir dómnefnd að gera upp á milli
þeirra. Eg er hins vegar afar ánægð-
ur með að þessum áfanga skuli vera
náð og ekki síður að fjármagn sé
tryggt til þess að hefja verkið.
Þeir þættir sem ég hafði í huga
þegar ég skoðaði tillögurnar voru
hvort vel væri hugað að þörfum sjúk-
linga, hvort skipulag spítalans byði
upp á sveigjanleika svo auðvelt verði
að laga hann að breytingum sem
óhjákvæmilega munu verða, hvort
bráðadeildir, svo sem bráðamóttaka,
gjörgæsla og skurðstofur, séu nálægt
hver annarri og að vegalengd milli
klínískra eininga sé ekki mikil. Þetta
eru atriði sem skipta lækna og sjúk-
linga miklu máli. Auk þess þarf að
huga vel að háskólastarfseminni.
Sé vinningstillagan skoðuð út frá
þessu sjónarhorni hefur hún ýmsa
kosti. Það er vel hugsað fyrir þörfum
sjúklinga sem verða til dæmis allir á
einbýli. Tillagan býður upp á sveigj-
anleika í útfærslu og áðurnefndar
bráðadeildir virðast vera nálægt hver
annarri. Þá er vel séð fyrir háskóla-
starfseminni. Eg tel hins vegar að
vegalengdir milli klínískra eininga
séu of langar. Því hefði mátt mæta
með því að byggja meira á hæðina
eins og lagt er til í annarri tillögu.
Einnig set ég spurningamerki við
það hvort rétt sé að hafa legudeildir
barna- og kvennadeildar áfram í sér-
byggingum,“ sagði Sigurður.
Hann bætti því við að nú þyrfti
að bretta upp ermarnar og hefja
undirbúning að byggingunni. í
ljósi þess að fjármagnið liggur fyrir
væri spurning hvort ekki væri hægt
að endurskoða tímasetningar og
áfangaskiptingu til þess að hraða
framkvæmdum því þörfin sé brýn.
Einnig þyrfti að huga að því hvort
ekki væri hægt að bregðast við þeim
vanda sem bráðaþjónustan er í og
verður þar til fyrsti áfanginn er ris-
inn. Hann taldi hins vegar ekkert í
tillögunum hamla því að hægl væri
að útfæra skipan spítalans þannig
að hún félli að hugmyndum lækna
um að efla sérgreinar læknisfræð-
innar.
Læknablaðið 2005/91 853