Læknablaðið - 15.10.2009, Side 75

UMRÆÐUR 0 G FRÉTTIR
TÓBAKSVARNAÞING
að gera tóbak dýrt og sjaldgæft. Það er öruggasta
leiðin til að koma í veg fyrir að ungt fólk byrji að
reykja. Fíknin er svo yfirþyrmandi að öll fögur
fyrirheit falla í skuggann af henni."
Það kom skýrt fram í máli Valgerðar að
tóbaksfíkn stenst öll viðmið fíknfræðanna og
enginn þarf að velkjast í vafa um að nikótín er
vanabindandi fíkniefni.
Ástríður Stefánsdóttir flutti í lokin fyrirlestur
á heimspekilegum nótum þar sem hún fjallaði
um hinn frjálsa vilja og hvort einstaklingurinn
væri ekki frjáls að því að velja hvort hann reykti
eða ekki. Það væri hans mál hvort hann kysi að
eyðileggja heilsu sína og einskis armars. Hún kvað
hins vegar vel mega setja spumingamerki við þá
fullyrðingu að sá sem er á valdi nikótínfíknar sé
frjáls. Á sama hátt megi spyrja hvort unglingur
í grunnskóla sé fyllilega frjáls að því að ákveða
hvort hann byrji að reykja eða ekki ef hann upplifir
mikinn þrýsting frá vinum og umhverfi.
Að loknum frábærlega fróðlegum og ske-
leggum fyrirlestrum var þingfulltrúum skipt í fjóra
vinnuhópa sem fínpússuðu ályktanir þingsins
sem undirbúningsnefnd tók að sér að ganga frá til
birtingar. Þær verða ekki raktar hér en er að finna
í heild sinni á heimasíðu Læknafélagsins, www.
lis.is
Þess má að lokum geta að efnt var til
tókbaksvarnaþingsins þar sem aðalfundur Lækna-
félags íslands 2008 fól stjóm félagsins að standa að
tóbaksvarnaþingi. Undirbúningsnefndin var að
mestu skipuð meðlimum úr stjórn LI en ýmsir
fleiri lögðu verkefninu lið. Haft var á orði í lok
þingsins að vel mætti hugsa sér að halda annað
þing innan fárra ára til að meta árangurinn.

Egils Snorrasonar fyrirlestur Félags áhugamanna um sögu læknisfræðinnar verður haldinn
laugardaginn 17. október að Hótel Nordica í sal G, í samvinnu við afmælishátíð LR.
Fundurinn hefst að aflokinni setningarathöfn hátíðarinnar kl. 10.30.
„Kaun og benjar holdið hrjá“.
Holdsveiki í Noregi og á íslandi
Óttar Guðmundsson, formaður FÁSL, býður gesti velkomna
• Leprosy in Norway, remarkable science, public health and crime. Lorentz M. Irgens, prófessor frá Bergen (Egils
Snorrasonar fyrirlestur)
• Visitatia Bjarna Pálssonar á Kaldaðarnesspítala 1763. Sögulegt yfirlit holdsveikinnar á íslandi. Erla Dóris
Halldórsdóttir sagnfræðingur
• „Hver er þessi Jesú píslarmynd?'1 Úlfar Þormóðsson rithöfundur
• Lokaorð. Lorentz M. Irgens
Efni fundarins er holdsveiki í Noregi og á íslandi. Lorentz M. Irgens er prófessor við Háskólann í Bergen. Gerhard Hendrik Armauer Hansen var
læknir við Holdsveikrasjúkrahús í Bergen þegar hann uppgötvaði lepra-basilluna 1874. Prófessor Irgens mun ræða þessa uppgötvun Hansens og
holdsveikraskráninguna í Noregi sem var einstæð á sínum tíma.
Erla Dóris Halldórsdóttir sagnfræðingur mun ræða um sögu holdsveikinnar á íslandi og segja frá athugunum Bjarna Pálssonar.
Úlfar Þormóðsson mun fjalla um hugmyndir íslenskra alþýðumanna um holdsveiki og veikindi Hallgríms Péturssonar sálmaskálds.
Fundurinn er öllum opinn.
LÆKNAblaöíð 2009/95 71 1