Þjóðlíf - 01.03.1988, Síða 8

INNLENT
„Endurbygging gamals húsnæðis er
rosalega dýr — það sáum við eftir á.“
Félagsheimili Kópavogs (FK) er sjálfs-
eignarstofnun og á Kópavogsbær 50% á móti
aðildarfélögum sem eru m.a. Breiðablik,
Leikfélag Kópavogs, Kvenfélag Kópavogs
o.fl. FK er á 1. og 2. hæð fjögurra hæða
byggingar að Fannborg 2. Arið 1971 voru
gerðir samingar á milli eigendanna sem fólu í
sér að aðildarfélögin tóku að sér rekstur 1. og
2. hæðar en bæjarfélagið tók 3. hæð á leigu
fyrir skrifstofur sínar og keypti jafnframt
byggingarrétt að 4. hæð þar sem nú eru aðal
skrifstofur bæjarfélagsins.
Með þessum samningum voru gamlar
skuldir félagsmanna vegna stofnkostnaðar
þurrkaðar út með sölu byggingarréttar 4.
hæðar, félögin tóku við rekstri FK og lögðu
niður starfsemi Kópavogsbíós (nýju salar-
kynnin á 1. hæð eru byggð upp úr gamla
Kópavogsbíói, samt. 614 fermetrar).
A þessum árum veitti bæjarfélagið tals-
verðu fé í félagsaðstöðu í öðrum húsakynn-
um en árið 1981 vakti rekstrarnefnd FK máls
á því að endurbyggja bæri húsnæði félags-
heimilisins, „sem fjölnota húsnæði", eins og
það er nú orðað, og m.a mætti koma þar upp
félagsaðstöðu fyrir aldraða. Varð niðurstað-
an sú að gerðir voru tveir samningar árið
1982 á milli eigendanna. Annars vegar var
gengið frá því að Kópavogsbær keypti 3. hæð
og sem endurgreiðslu skyldi bæjarsjóður al-
farið fjármagna viðbyggingu við 1. hæð, end-
urbyggingu á 2. hæð og endurbyggingu 1.
hæðar. Aðildarfélögin greiða ekki krónu í
þeim kostnaði. Engar kostnaðartölur voru
nefndar í þessu samhengi, eingöngu kveðið
svo á um að „allur frágangur og búnaður
skuli vera fyrsta flokks." „Að þessu orðalagi
höfum við oft hlegið á fundum stjórnar FK,“
segir einn viðmælandi Þjóðlífs, „enda segir
það manni ekkert hversu dýrt þetta mátti
vera“.
Hins vegar var gerður rekstrarsamningur
sem kvað á um að bæjarstjórn tryggi starf-
semi FK með framlagi á fjárhagsáætlun á
hverju ári. Auk þess skyldi bærinn greiða
húsaleigu fyrir öll afnot sín af 2. hæð. í fram-
kvæmdinni hefur bærinn greitt „álitlegar
upphæðir í leigu,“ eins og Kristján Guð-
mundsson bæjarstjóri komst að orði í samtali
við Þjóðlíf. fyrir fundarafnot á 2. hæð, félags-
starf aldraðra o.fl.
Seinkun um fjögur ár
í samningunum 1982 voru sett ákveðin
tímamörk fyrir framkvæmdirnar. Endurbót-
um á 2. hæð skyldi lokið á árinu 1982 og
stóðst sú áætlun. Viðbyggingu 1. hæðar
skyldi lokið sama ár en verklok drógust til
ársins 1984. Endurbyggingu 1. hæðar skyldi
lokið fyrir árslok 1984. Þeirri framkvæmd
lauk í febrúar á þessu ári þegar samkomusal-
urinn var opnaður hinn 13. febrúar s.l.
Af hverju drógust framkvæmdirnar svo
mjög á 1. hæðinni? Talsmenn bæjarfélagsins
og eftirlitsmenn endurbyggingarinnar svara
því til að fjárveitingar á hverju ári hafi ein-
faldlega ekki verið nægilegar. Auk þess hafi
ekki mátt trufla þá starfsemi sem haldið var
uppi í salnum á meðan verkið stóð yfir.
Engin heildarkostnaðaráætlun var lögð
fram og því vissi í raun enginn hvaða niðurs-
töðutölur kæmu í ljós þegar upp væri staðið
og þá jafnframt á hvaða verði Kópavogsbær
keypti 3. hæð FK. Bæjarstjóri bendir þó á að
taka verði með í það dæmi að hér kostar
bærinn til fyrir menningar- og félagsstarf-
semi bæjarfélagsins. Benjamín Magnússon,
arkitekt, sem hannaði innréttingar á 1. hæð
segir að hönnuðir hafi gert sínar kostnaðar-
áætlanir fyrir hvern verkþátt og þær áætlanir
hafi í aðalatriðum staðist.
Heildarkostnaðurinn fer þó fyrir brjóstið á
mörgum sem benda á að niðurskurður til
mikilvægra bæjarmálefna eigi sér stað á sama
tíma. Sé miðað við þá tölu sem gefin var upp
í febrúar (93 milljónir) og er af flestum talin
of lág, nemur heildarkostnaður með öllum
búnaði um 53 þúsund krónum á fermetra. Til
samanburðar má benda á að eðlilegur kostn-
aður við nýbyggingu skólahúsnæðis er talinn
um 46 þúsund pr. fermetra.
Það má ljóst vera af skoðun reikninga
Kópavogskaupstaðar að langstærstur hluti
þessa kostnaðar er til kominn vegna endur-
byggingar á 1. hæð. Ef fjárveitingar hvers árs
eru skoðaðar og framreiknaðar má gróft
áætla að kostnaðurinn við fyrri áfangana, —
2. hæð og viðbyggingu 1. hæðar, sem báðum
var lokið fyrir árslok 84, — nemi um fjórð-
ungi af heildarupphæðinni. Steingrímur
Hauksson, tæknifræðingur hjá Kópavogsbæ
og eftirlitsmaður með framkvæmdunum síð-
ustu árin segir þó að hluti kostnaðar síðustu
árin sé sameiginlegur fyrir allar hæðirnar.
Þar er m.a. urn að ræða sameiginlegt loft-
ræstikerfi. Þrátt fyrir það er viðurkennt að
mestur kostnaður liggi í dýrum tækjabúnaði
1. hæðar; rafknúið, færanlegt svið, fullkom-
inn ljósa- og tæknibúnaður og dýr tæki í eld-
hús, barinnrétting í sal upp á 940 þúsund
o.s.frv.
Fundur um hvíta diska
í samræmi við þá samninga sem gerðir
voru árið 1982 var ákveðið að skipa 5 manna
Mestur kostnaður fór í endurnýjun gamla
Kópavogsbíós. Samtals 614 fermetrar.
stjórn yfir famkvæmdir og rekstur Félags-
heimilisins. Mun hún hafa tekið til starfa árið
1984 og hefur að mestu verið skipuð sömu
mönnum allt fram á þennan dag. í stjórninni
sitja: Grétar Kristjánsson (formaður), Sig-
urður Grétar Guðmundsson og Guðni Stef-
ánsson sem eru kosnir af bæjarstjórn, og
Gunnar Magnússon og Vilhjálmur Einars-
son sem fulltrúar aðildarfélaganna.
Af fundargerðum stjórnar FK, a.m.k. síð-
ustu mánuði og ár, má ráða að í langflestum
tilvikum fjalla fundirnir um yfirstandandi
framkvæmdir við FK, lítið þarf að sinna
rekstrinum, enda var lítil starfsemi í félags-
heimilinu ef starf leikfélagsins er undanskil-
ið. Geta má þess að Kópavogsbær annast
bókhald fyrir FK. En það er fundafjöldi
stjórnar FK sem hefur vakið mikla gagnrýni í
þessu sambandi. Haldnir hafa verið um 170
fundir í stjórninni frá því að hún tók til starfa
og hefur fundafjöldinn farið hvað mest vax-
andi í lokahrinu framkvæmdanna síðasta ár.
Þjóðlíf hefur heimildir fyrir því að hönnuð-
ir og eftirlitsmenn framkvæmdanna fóru
fram á úrskurð bæjarráðs um það hvort hlut-
verk stjórnarinnar væri að vera til ráðgjafar
eða hvort hún starfaði sem byggingarnefnd.
Úrskurðaði bæjarráð að stjórnin væri bygg-
ingarnefnd yfir endurbótunum á FK. Má til
samanburðar geta þess að yfir framkvæmd-
um Kópavogsbæjar við byggingu heimilis
aldraðra að Vogatungu starfar ráðgjafar-
nefnd bæjarins sem heldur 6 fundi á ári.
Stjórn FK heldur að jafnaði einn fund í
viku, enn fleiri á síðustu mánuðum. Tökum
dæmi úr fyrstu viku febrúar. Þá fundar
stjórnin á þriðjudegi og fjallar skv. fundar-
gerðum um síma- og innanhússkerfi vegna 1.
hæðar. Næstkomandi laugardag fundar
8