Þjóðlíf - 01.03.1988, Page 39

MENNING
Næturgagna-
safnid í Miinchen
Arthúr Björgvin lítur inn í eina
nœturgagnasafn veraldarinnar og segir
sögur af þessari hornreku siðmenningarinnar
Þeir eru sjálfsagt margir sem eiga hugljúfar minningar frá þeim
dögum, þegar þeir ungir nutu kyrrlátra náðarstunda á koppnum.
Það var altént útbreiddur siður á íslandi til skamms tíma að geyma
emflerað næturgagn undir rúmi yngri borgara, til að sá sem í rúminu
hvfldi ætti þess kost að létta af sér með lítilli fyrirhöfn. Þetta ágæta
þarfaþing var ekki einungis nytsamlegt til að fullnægja náttúruþörf-
unum, heldur gat það líka verið hið ákjósanlegasta yfírvarp, þegar
illa gekk að festa svefn og ungviðið fýsti að teygja lopann og vaka
dálítið lengur. Þá var gott að grípa til þess ráðs að þykjast þurfa á
koppinn og sitja þar með kollinn fullan af dagdraumum bernskunnar.
Þannig var unnt að draga það ögn á langinn að slíta sig lausan frá
löngum og viðburðarríkum degi og komast hjá því að gefa sig óminn-
isgyðjunni á vald.