Þjóðlíf - 01.11.1988, Qupperneq 39

ERLENT
Starfsmenn skipasmíðastöðvar Leníns í Gdansk eru áhrifamiklir í framvarðarsveit Einingar. Þeir njóta stuðnings borgarbúa, sem
hér fylgjast með upphafi verkfalls. Fljótlega mætti lögreglan og rak fólkið frá.
PÓLSKT ÆVINTÝRI
Frásögn Stefáns Jóhanns Stefánssonar af
viðburðaríkum verkfallstíma í Póllandi.
Handtaka fréttamanns. — Hvernig
nokkrar krónur urðu að mánaðarlaunum
verkamanns
Ég bað leigubílstjórann að aka að kirkju hei-
lagrar Birgittu. Þegar þangað kom kveikti ég
á stuttbylgjuútvarpinu rnínu og hlustaði á
fréttasendingu BBC. Sagt var að herinn væri
á leið til Gdansk. Ég hafði þegar orðið var
við vopnaða hermenn á götunum. Ég skaut
niður loftnetinu, setti tækið í töskuna og bað
bílstjórann að bíða í fimm mínútur. Ég ætlaði
að kaupa myndir úr starfi Einingar af stuðn-
ingsmönnum samtakanna í söluskoti sem
þeir höfðu komið fyrir í kirkjunni.
Þetta var í lok ágúst, á fjórða degi frétta-
öflunarferðar minnar í Póllandi fyrir Útvarp-
ið. Ég hafði vart stigið meira en fjögur skref
frá leigubílnum þegar tveir skuggalegir ná-
ungar gengu skyndilega í veg fyrir mig. Þeir
gerðu mér skiljanlegt að þeir vildu sjá vega-
bréf mitt. Samtímis dreif fleiri náunga að, og
var ég brátt umkringdur af óeinkennisklædd-
um, kraftalegum mönnurn. Ég krafðist þess
að fá að sjá skilríki þeirra. Þar stóð „Mil-
icja“, sem mér skildist að þýddi lögregla.
Þeir báðu mig um að koma með sér að bíl
sem var þarna á stæðinu. Þá kom leigubíl-
stjórinn hlaupandi. Ég var ekki búinn að
39