Þjóðlíf - 01.11.1988, Blaðsíða 52

ERLENT
Oryggi
fyrirtækja
Hefur fyrirtæki
þitt orðið fyrir
innbroti,
skemmdum
sökum vatns
eða elds?
Þurfa vélar og
tæki sem eru í
gangi á
nóttinni
örugglega ekki
eftirlit?
Öryggis-
miðstöðin
veitir þér þessa
þjónustu.
Leitaðu tiiboða
þér að kostn-
aðarlausu.
ÖRYGGISMIÐSTÖÐIN
Hamraborg 1, 200 Kópavogi,
sími 641332, box 202-487
reynum að tala stöðugt um þetta en það tek-
ur langan tíma að fá fólk til að skilja. Enn er
litið svo á (og hér eiga fjölmiðlar mikla sök)
að stjórnmál snúist um aurana í buddunni.
Aður hefur lítið verið rætt um stefnumið til
lengri tíma í stjórnmálum, grundvallargildi í
tilverunni. Hvernig við viljum umgangast
hvert annað og jörðina. Pað er áreiðanlega
ekki hvað síst Miljöpartiinu að þakka að
þessar spurningar hafa verið teknar á dag-
skrá, auk þess sem staða umhverfismála í
heiminum ýtir þar undir.
En á hvern hátt getið þið þá nýtt ykkur
hugsanlega oddaaðstöðu?
— Við getum gert það hvað varðar tekju-
dreifingu, og við getum gert það í umhverfis-
málunum. Þar koma allir flokkar til með að
reyna að gera sitt besta, innan ramma hug-
myndafræði sinnar. Stærri þáttum okkar
stefnu verðum við að berjast lengi fyrir áður
en von er um árangur. Á vissan hátt má tala
urn enn eina fylkingu á þingi og þá græna.
Þar eru þá, auk okkar, VPK og Centern
(n.k. bændaflokkur). Allir þessir flokkar
juku fylgi sitt í kosningunum og ef til vill
getum við eitthvað unnið saman í umhverfis-
málum. En við erum þó almennt þeirrar
skoðunar að þessi fylkingarpólitík sé hálf-
gerð vitleysa. Hver flokkur á að standa fyrir
sínu.
Eruð þið reiðubúin til stjórnarsamstarfs í
framtíðinni?
— Einhvern tíma já, en ekki enn. Áður
þurfum við að læra mun meira. Við vitum
hvað við viljum en við eigum margt ólært um
hvernig eigi að fá því framgengt. Hér í Lundi
höfum við lagt fram kröfulista fyrir jafnaðar-
menn og ef þeir fallast á hann munum við
styðja þá til valda. Þetta er nýtt fyrir okkur.
Við sjáum hvernig gengur. En formleg sam-
steypa verður það ekki. Við erum ekki
reiðubúin til að semja um grundvallarvið-
horf.
Hvað með vopnaframleiðslu og — útflutn-
ing sem hafa verið nokkuð umdeild mál?
Viljiö þið stöðva þetta alveg?
— Flokkurinn sem slíkur vill halda áfram
vopnaframleiðslu fyrir sænska herinn en
taka alveg fyrir útflutning. Ég persónulega
vildi nú helst stöðva alveg framleiðsluna
líka.
Nú hafa Die Griine í Þýskalandi átt í mikl-
um innri erfiðleikum vegna deilna hinna
svokölluðu fundamcntalista og svo realista.
Hefur slíks eitthvað orðið vart hér?
— Ekki svo orð sé á gerandi en andstæð-
urnar eru fyrir hendi, þvíþað erjú alltaf hægt
að fara fleiri en eina leið að sama marki.
Deilurnar í Þýskalandi snúast um hvort rétt-
lætanlegt sé að fórna einhverju til að ná
öðru. En mér sýnist samkomulagið innan
flokksins vera ágætt. Við höfum aldrei lent í
þessari skýru skiptingu sem Þjóðverjarnir
hafa. Það er frekar þannig að maður er fyrst
Miljöpartisti og svo hallast maður ýmist í
þessa eða hina áttina. Oddaaðstaða á þingi
hefði ef til vill leitt til þess að móthverfurnar
hefðu kristallast.
Nú er Svíþjóð áttunda eða níunda landið í
Evrópu sem fær græningja á þing. Er eitt-
hvað samstarf milli þessara flokka, einhver
International?
— Já það er fyrir hendi. Til eru samtök
sem heita European Greens en fá örugglega í
framtíðinni alþjóðlegra nafn, World Greens
eða eitthvað slíkt. European Greens liafa
verið til í 5 eða 6 ár og tengjast þingi Evrópu-
ráðsins sem er kosið til í löndum Efnahags-
bandalagsins. Á því þingi sitja nokkrir græn-
ingjar þó svo við séum mjög neikvæð gagn-
vart bandalaginu. Við vinnum gegn því
innanfrá. En setan á Evrópuþinginu hefur
veitt okkur aðgang að upplýsingum og við
höfum græn Evrópuþing á hverju ári, þar
sem við ræðum stöðuna og skiptumst á þekk-
ingu og reynslu. Það er hins vegar ekki um
það að ræða að taka nokkrar ákvarðanir fyrir
flokkana í heild.
Er þarna bara fólk frá Vestur-Evrópu?
— Aðallega er það nú, en þó koma alltaf
nokkrir frá umhverfissinnum í austantjalds-
löndunum og raunar víðar að úr heiminum. í
Suður-Ameríku t.d. eru græningjar mjög að
sækja í sig veðrið og einnig í Bandaríkjunum,
Kanada og víðar. Þessi hreyfing á eftir að
magnast mjög á næstu árum. í Afríku t.d. og
öðrum þeim löndum sem verst hafa verið
leikin af arðráni okkar á eftir að verða vit-
undarsprenging í þessum málum.
Nú hefur ísland hlotið nokkra gagnrýni
umhverfisverndarsinna síðustu árin, sér-
staklega fyrir hvalveiðar sínar. Jafnvel hefur
veið hótað efnahagslegum refsiaðgerðum.
Hafið þið eitthvað rætt þetta eða hugsað ykk-
ur að hreyfa við málinu, t.d. innan Norður-
landaráðs?
— Ég veit ekki almennilega. Ef kemur í
ljós að það er eina leiðin verður ef til vill að
fara hana. Spurningin er hvort það hjálpar.
Það er ákaflega erfitt að vita hvað ber að
gera. Þetta er eins og með Suður-Afríku.
Þegar maður vill ekki styðja kynþáttapólitík
þeirra er reynt að einangra þá. Og það er
tilraun. Ef til vill er það þetta sem verður að
gera, „boykotta" til að sýna óánægju sína.
En þetta hefur ekkert verið rætt í flokknum.
Að Iokum Kicki, ertu bjartsýn á framtíð-
ina?
— Ég er bjartsýn á framtíð flokksins.
En..., (og hér verður löng þögn)... ég veit
ekki með framtíð náttúrunnar og okkar.
Sástu lýsingu sjómannanna á ástandinu í
Kattegat? Það á margt eftir að gerast. En
maður verður að vera bjartsýnn. Annað-
hvort tekst þetta hjá okkur eða það er engin
framtíð.
Lundi 1. október 1988
Ingólfur V. Gíslason
52