Þjóðlíf - 01.11.1988, Qupperneq 69

UPPELDISMÁL=
Börn hafa það
ekki alltaf gott
Vilborg Guðnadóttir skólahjúkrunarfræðingur. Eg man eftir níu ára gömlu barni sem
hafði verið í fimm skólum... Mynd. Marisa Arason.
Vilborg G.
Guðnadóttir skóla-
hjúkrunarfrœðingur
segir að allt ofstór
hluti barna á
skólaaldri eigi í
erfiðleikum
Hvernig hafa börnin okkar það? Hvarflar það
nokkurn tíma að okkur að þau hafi það ef til
vill ekki nógu gott? Að við gætum búið betur
að þeim? Að þau hafi það jafnvel beinlínis
skítt sum hver? Að það séu til börn sem eru
afskipt og fjarri því að búa við líkamlega,
andlega og félagslega vellíðan? Vilborg G.
Guðnadóttir hélt á dögunum erindi á opinni
ráðstefnu um heilbrigöismál, sem haldin var
á vegum Alþýðubandalagsins, um reynslu
sína sem skólahjúkrunarfræðingur og barst
Þjóðlífi til eyrna að þar hefði margt athyglis-
vert verið sagt. Við fengum því Vilborgu í
spjall um hag barna í íslensku samfélagi.
Vilborg hóf störf sem skólahjúkrunarfræð-
ingur í Austurbæjarskólanum fyrir þremur
árum en fram að því hafði hún að mestu
unnið á sjúkrahúsum. Hún segir að það hafi
komið sér áóvart hve mörg börn eiga erfitt....
„Ég hafði ímyndað mér að flest börn hefðu
það gott en það reyndist alls ekki vera þann-
ig. Að vísu er það ekki meirihlutinn sem á í
erfiðleikum en allt of stór hluti og niiklu fleiri
en við gerum okkur grein fyrir,“ segir Vil-
borg G. Guðnadóttir skólahjúkrunarfræð-
ingur í samtali við Þjóðlíf.
69
L