Frjáls verslun - 01.01.2012, Page 26

26 FRJÁLS VERSLUN 1. TBL. 2012
álitSgjafar
frjálSrar verSlunar
Frjáls verslun hefur fengið þekkta ein stakl inga til liðs við sig til að segja í mjög stuttu máli álit sitt á ýmsu
tengdu við skiptum og efnahagslífi í hverju tölu blaði.
UmsjÓn: svava jÓnsdÓTTir
Þekktu sjálfan þig
Ingrid Kuhlman, framkvæmda -
stjóri Þekkingarmiðlunar:
Ingrid Kuhlman segir að í fjölda bóka um stjórnun hafi verið fjallað um mikilvægi þess að starfsfólk fái hrós og viðurkenn­
ingu fyrir vel unnin störf. Hvatning virðist nær
alltaf fjalla um hinn aðilann; um það hvernig
hægt sé að hvetja aðra.
„Stjórnandinn er talinn vera einhvers konar
„hvatningarvél“ sem hægt sé að kenna eða
réttara sagt forrita til að hvatning hans hafi
sem best áhrif á aðra. Sjaldan er rætt um
þarfir og nauðsyn stjórnandans til að ná
sam bandi við sjálfan sig eða aðra og hvern­
ig hann geti fundið eigin hvatningu.
Stjórnandinn er ábyrgur fyrir eigin hvatn­
ingu og innblæstri. Besta framlag hans til
annarra er að læra að þekkja sjálfan sig. Því
betur sem hann þekkir sjálfan sig því færari
er hann í að skilja aðra. Þekking á sjálfum
sér þýðir m.a. að stjórnandinn þarf að vera
meðvitaður um í hverju kjarnahæfileikar hans
eru fólgnir.
Því skýrari mynd sem við höfum af kjarna­hæfileikum okkar þeim mun auðveld ar a
er að nýta þá á meðvitaðan hátt. Sá sem
hef ur til dæmis „þrautseigju“ sem kjarna hæfi ­
leika veit að hann getur staðið sig vel, eink um
í aðstæðum sem krefjast út halds. Hann veit
einnig að hann á alltaf að geta sýnt þraut­
seigju, bæði í vinnu og í einkalífi.“ Ingrid
segir að fyrir utan innsýn í jákvæða hæfileika
sé einnig mikilvægt fyrir stjórnan dann að
hafa innsýn í þau atriði sem betur mega
fara. Hver kjarnahæfileiki hafi nefni lega
einnig sína dökku hlið. „Kjarna hæfi leikinn
„hjálpsemi“ getur t.d. orðið að „afskiptasemi“
séu menn of hjálpsamir. Í daglegu tali heitir
það „of mikið af því góða“. Einhver sem er
vand virkur getur t.d. átt það til að vera of
vand virkur.
Að læra að þekkja eigin hæfileika og ann ­
arra er ekki aðeins gagnlegt fyrir stjórnand­
ann sjálfan því hópar, deildir og fyrirtæki
hafa einnig kjarnahæfileika og eiginleika
sem gagnlegt er að þekkja.“
HOLLRÁÐ Í STJÓRNUN
Að styrkja vörumerki
Ásmundur Helgason, markaðsfræð ingur hjá Dynamo:
Ásmundur Helga­son segir að á und anförnum ár um
hafi samkeppni á aug ­
lý singa markaðnum hér
á landi verið meiri hvað
varðar verð en verðleika
vörumerkja. Þó séu nokkur
íslensk fyrirtæki sem hugi
að styrkingu vörumerkj­
anna í auknum mæli og
það sé margsannað mál
að það sé leiðin til sigurs í
samkeppni.
„Þegar kemur að upp ­
byggingu vörumerkja,
eða branding, hafa verið
settar fram kenningar af
ýmsum fræðimönnum
í markaðsmálum með
mis jafnlega mörgum
reglum eða viðmiðum
sem fara skal eftir við
mörk un vörumerkis. Á
meðal þess sem nánast
allar þessar kenningar
eiga sameiginlegt er að
framsetning vörumerkis
þarf að vera einföld. Það
þarf að átta sig vel á því
fyrir hvað vörumerkið
stendur og það sjálft þarf
að vera einfalt. Í öðru lagi
þarf vörumerki að vera
vel aðgreint frá öðrum og
í þriðja lagi þarf að gæta
að því að það sýni stöðug ­
leika; sveiflist ekki of mikið
með tísku heldur haldi
sig við gildi sín og eig in
framsetningu. Fjölda­
mörg önnur atriði koma
inn í vinnu við að byggja
upp sterkt vörumerki
en á endanum er það
sterk mörkun vörumerkis,
brand ing, sem er leiðin til
sigurs í samkeppni.“
AUGLÝSINGAR
„Það þarf
að átta sig
vel á því
fyrir hvað
vörumerkið
stendur og
það sjálft
þarf að vera
einfalt.“