Tímarit Máls og menningar - 01.03.1951, Page 45

MEÐ FRIÐl LIFUM VIÐ • í STYRJÖLD DEYJUM VIÐ
35
meira í samtökum gegn stríði heldur en þær 500 miljónir, er skrifuðu
undir það? Gegn svo öflugri múghreyfingu myndi ekkert ríki, hvorki í
austri né vestri, áræða að hefja styrjöld. Færi svo, að „kommúnistar“
skærust úr leik, ef til árásar kæmi af hálfu Rússa, þá er að einangra þá
frá hreyfingunni og lýsa þá fyrir öllum heimi svikara við friðinn og
stríðsglæpamenn og þið, andstæðingar Rússa, hélduð samtökunum
áfram. Það yrði meiri vörn gegn árásaröflunum en samtakaleysi.
En þið munuð renna grun í, að sá böggull fylgi skammrifi, að sú
krafa yrði gerð til ykkar, að þið berðust líka gegn árásarfyrirætlunum
auðvaldsríkjanna. Og það er það, sem mörg ykkar viljið ekki, og þess
vegna er ykkur móti skapi að ganga til samvinnu um friðinn. Þið viljið
hafa frið fyrir Rússum, en óskið í helgidómi hjartans eftir árás úr
vestri. Þá verði sósíalisminn þurrkaður út af yfirborði jarðarinnar,
börn í vöggu og mæður á bæn drepin með atómsprengjum og þið fáið
ísskápa og hrærivélar.
En það má segja um þessar óskir:
Vér vitum ei, hvers biðja ber.
Breysldeikinn holds því veldur.
Það eru engar líkur til, að næsta heimsstyrjöld færi ykkur hrærivélar
og ísskápa. Það eru allar líkur til, að hún færi ykkur ekkert annað en
hungur, eyðileggingar, þjáningar og dauða, og að sósíalisminn standi
eftir sem áður föstum fótum á jörð Guðs. Hér yrði sennilega allt lagt
í rústir, sem hefði hernaðarþýðingu, flugvellir, hafnir, þorp og bæir.
Síðasta styrjöld hefur kennt okkur, hvílíkum tortímingum hægt er að
valda úr lofti, þrátt fyrir öflugar loftvarnir.
Það er til að forða mannkyninu frá þessum skelfingum, sem vofa
yfir flestum þjóðum, að friðarhreyfingin hefur verið skipulögð. Á öðru
alþjóðaþingi hennar, sem haldið var í Varsjá 16. til 22. nóvember,
komu saman um 2000 gestir og fulltrúar frá 81 landi. Síðasta dag
þingsins, miðvikudaginn 22. nóvember, samþykkti þingheimur ein-
róma ýmsar mikilvægar tillögur, þar á meðal þessar:
Áskorun til allra þjóða um þátttöku í samfylkingu gegn styrjöldum
og fyrir friði.
Að stríðinu í Kóreu, sem ógnaði heimsfriðnum, skyldi hætt.
Að nýlenduyfirráðum, en þau bæru í sér orsök styrjalda, skyldi af-