Tímarit Máls og menningar - 01.09.1960, Side 71

JÓHANN HJÁLMARSSON
TVISVAR SINNUM TVÖ ORÐ
Blunda í huga mér tvisvar sinnum tvö orð
í veitingahúsi með rauðvín á borðum
ég nýt þess að skoða jlugurnar á glerinu
þar sem regndropar sigldu hraðbátum fyrir skömmu
en nú leiðir sólin mjójœttar konur um góljið
ég les bókina Hversvegna líta um öxl
glasið biður um jylgd inní greniskóginn
hríslurnar skera jólagleðina í tvennt
þarna er urmull fugla er sveima langnefja og reiðir
yfir vötnum sem mora af þríhöfða silungum — enginn
biður um náð guðs eða annað slíkt
allt virðist leita nýrra sanninda í kjarrinu grœna
þangað leiddu mig seiðir vínberjanna
ég Ijómaði af skrautljósum skemmtigarða
á brjósti mínu glotti sjöstjarnan frœga
undarlegt að vakna á botni stórfljótsins kveðandi gamlar bögur
þrumandi yfir hausamótum sjáljs sín
líta fingurna brennda í snœri á nœstu trjágrein
hreindýr stökkva á jœtur og hyggja á önnur beitilönd
úlfa tvínóna á bakkanum viðbúna miklum atburðum
Ég sat í veitingahúsinu þennan liðna dag
meðan spœnskt vor rétti margar hendur
járnbrautarlestinni sem þrammaði fyrir utan
teinarnir bentu í norðurált — svikin ánœgja þyrlaði gulum kvöldblöðum
hlöðnum minningaratriðum umsvifalaust í buskann
Sofa í huga mér tvisvar sinnum tvö orð
309