Tímarit Máls og menningar - 01.04.1967, Side 78

Tímarit Máls og menningar
I 5. bindi: „Um dygd og elsku þiónustu-
fólks, og hvömig heiíi (Ath. hefii, strikið
yfir n-inu er tvöföldunarmerki, fágætt á
prenti) verdi nád ... (33-—65 bls.)“.
I 12. hindi: „Þegnskylda Almúgans á
Islandi, edr árligar Skyldu-greidslur og
Qvadir, skrád af Hans Jacob Lindal, og
prentud á Dönsku í Kaupmannahöfn 1788,
en nú íslendskud ... (bls. 82—131).“
Fæddur á Vatneyri, sonur hjónanna Ein-
ars Bjarnasonar bónda og Kristínar Þor-
varðardóttur frá Sauðlauksdal. Stúdent frá
Skálholtsskóla 1771, baccalaureus 1773 og
lögfræðingur haustið 1775. Varð þá lög-
sagnari Davíðs Schevings í Haga, sýslu-
manns í Barðastrandarsýslu unz hann tók
sjálfur við sýslunni 1781. Fékk lausn 1788,
skildi við konu sína 1791 og fór þá utan.
Sneri bráðlega heim aftur og settist fyrst
að í Flatey en síðar í Breiðuvík. — Kvænt-
ur Ragnheiði Davíðsdóttur Schevings, og
var sonur þeirra Guðmundur Scheving
sýslumaður (hann lenti í slagtogi með
Jörgensen 1809 en er mönnum nú kunnast-
ur sem persóna í sögu Gunnars Gunnars-
sonar, Svartfugli) og síðast kaupmaður og
útvegsbóndi í Flatey. — Bjami „var gáfu-
maður, hagmæltur, var og vel látinn."1 (1)
(2) (4)
Björn Tómasson (21. okt. 1727—2. okt.
1796) sýslumaður.
I 13. bindi: „Um Hreppstiómar Embætt-
id á Islandi ... (132—183 blads.).“
Fæddur á Lundarbrekku í Bárðardal,
sonur Tómasar Flóventssonar síðast bónda
í Garðsvík á Svalbarðsströnd og konu hans
Halldóru Þorláksdóttur frá Grýtubakka.
Hóf lögfræðinám 1752 en lauk ekki. Lög-
sagnari í Þingeyjarsýslu 1755—56 og nyrzta
hluta Múlasýslu 1757—58. Settur sýslumað-
ur í Þingeyjarsýslu 1786, fékk veitingu
1790. Bjó lengst í Garði í Aðaldal. Var
tvíkvæntur; fyrri kona hans var Steinunn
Þórðardóttir frá Sandi í Aðaldal og meðal
barna þeirra var Þórður sýslumaður í
Garði, tengdafaðir sr. Tómasar Sæmunds-
sonar; síðari kona hans var Guðrún Sig-
urðardóttir frá Garði. (1) (2) (4)
Egill Þórhallason (10. nóv. 1734—jan.
1789) prestur og trúboði.
I 8. bindi: „Stutt Agrip um Verkun
Grænlendínga á Selskinnum til Báta og
Fatnadar ... (172—178 bls.)“.
Fæddur á Borg á Mýrum, sonur sr. Þór-
halla Magnússonar og síðari konu hans,
Bóthildar Egilsdóttur frá Kálfalæk. Ólst
upp hjá bræðrunum Finni síðar biskupi
og sr. Vigfúsi í Hítardal. Stúdent úr Skál-
holtsskóla 1753, síðan djákn í Hítardal og
frá 1755 skrifari við Innréttingarnar í
Reykjavík. Lauk guðfræðiprófi í Khöfn
1761. Vann um hríð fyrir sér með ritstörf-
um, en 1765 fór hann til Grænlands prestur
og trúboði. Eftir tíu ára veru þar hvarf
hann aftur til Danmerkur og var prestur
og prófastur í Bogense á Fjóni til dauða-
dags. Kvæntur Elísabetu Maríu, dóttur Sig-
urðar Þorsteinssonar gullsmiðs í Kaup-
mannahöfn. (1) (4) (7)
Guðlaugur Sveinsson (1731—15. nóv.
1807) prófastur í Vatnsfirði.
í 7. bindi: „Um Selstödur og þeirra nyt-
semi ... (194—204)“.
— „Um Líkakrák ... (248—250 bls.)“.
I 11. bindi: „Um húsa edr bæa-byggíng-
ar í Islandi ... (bls. 242—278).“ — Þess-
ari ritgerð — sem og raunar fleiri ritgerð-
um -— fylgdu skýringarmyndir, teikningar
af fyrirmyndar bæjarhúsum. Telur Hörður
Ágústsson að þangað megi rekja það að
burstabæir komust hér í tízku.
Guðlaugur var sonur Sveins Guðlaugs-
sonar síðar prests í Hvammi í Norðurárdal
og konu hans Helgu Jónsdóttur frá Staða-
stað. Nam í Skálholtsskóla og var síðan
68