Dagblaðið Vísir - DV - 09.03.2012, Qupperneq 24

Íhuga að flytja
alla íbúa burt
24 Erlent 9.–11. mars 2012 Helgarblað
Lýtaaðgerð
veldur usla
Íhaldssamur egypskur þingmaður,
Anwar al-Balkimy, hefur sagt af sér
embætti vegna lýtaaðgerðar sem
hann gekkst undir fyrir skemmstu.
Al-Balkimy sagðist hafa orðið
fyrir líkamsárás þegar hann sást
með þykkar umbúðir á nefi fyrir
skemmstu. Síðar var því ljóstrað
upp að al-Balkimy hefði nýlega
gengist undir lýtaaðgerð á nefinu.
Þingmaðurinn var meðlimur
Al-Nour-flokksins sem meðal
annars hefur barist fyrir því að
lýtaaðgerðir í fegrunarskyni verði
gerðar ólöglegar. Flokkurinn þykir
býsna róttækur og hefur hann
meðal annars fordæmt tónlist og
aðra afþreyingu. Þingmaðurinn
fór í aðgerðina þann 28. febrúar
síðastliðinn. Hann sagði að hann
hefði orðið fyrir barðinu á ræn-
ingjum sem reyndu að stela bif-
reið hans þegar hann var á rúnt-
inum í úthverfi Kaíró, höfuðborg
Egyptalands. Síðar kom í ljós að
þingmaðurinn hafði logið og gæti
átt yfir höfði sér fangelsisrefsingu
vegna málsins.
Bann sett á
snjókastara
Dómstóll í Sussex á Englandi hefur
kveðið upp ansi óvenjulegan úr-
skurð í máli sautján ára drengs.
Drengurinn, Kean Lamb, hafði gert
íbúum Copthorne, þorps í Vestur-
Sussex, lífið leitt með sífelldum
snjóboltaköstum. Kastaði hann
í gangandi vegfarendur, glugga
húsa og í bifreiðar. Dómurinn gerði
væntanlega það besta í stöðunni
og bannaði drengnum að kasta
snjóboltum næstu tvö árin. Bannið
nær ekki einungis yfir snjóbolta því
Lamb má ekki kasta neinu frá sér
og ekki hvetja aðra til þess.
Leita að týndum
leyniþjónstumanni
Bandaríska alríkislögreglan, FBI,
hefur biðlað til almennings vegna
leyniþjónustmanns sem hvarf í
Íran fyrir fimm árum. Maðurinn,
sem heitir Robert A. Levinson
og er 63 ára, hvarf á eyjunni Kish
í Persaflóa árið 2007. Hann var
þar til að rannsaka smygl á síga-
rettum. FBI hefur boðið hverjum
þeim sem hefur upplýsingar um
hvar Levinson er niðurkominn
eina milljón dala, eða 126 millj-
ónir króna.
Síðast spurðist til Levinsons
í desember þegar myndband af
honum var gert opinbert. Þar lýsti
Levinson því að honum hefði
verið haldið föngnum í nokkur
ár. Hann væri við ágæta heilsu en
biðlaði til yfirvalda að koma sér til
hjálpar. Talið er að Levinson sé í
haldi í Pakistan eða Afganistan.
S
aksóknaraembættið í Pól-
landi hefur kært þrjú fyrir-
tæki í landinu fyrir að nota
iðnaðarsalt við matvæla-
framleiðslu. Málið minnir
um margt á iðnaðarsaltsmálið sem
kom upp á Íslandi í ársbyrjun en Öl-
gerðin Egill Skallagrímsson hafði selt
iðnaðarsalt til matvælaframleiðslu
hér á landi í um þrettán ár.
Pólverjar virðast líta málið alvar-
legri augum en Íslendingar og hef-
ur pólska matvælaeftirlitið tilkynnt
málið í hraðviðvörunarkerfi Evrópu-
sambandsins fyrir matvæli og fóður
(e. Rapid Alert System for Food and
Feed). Um er að ræða viðvörunar-
kerfi þar sem tilkynningar eru send-
ar á milli aðildarríkja Evrópusam-
bandsins. Frá þessu var greint á vef
EurActiv í vikunni.
Samkvæmt frétt vefjarins voru
tekin 555 sýni úr matvælum, þar á
meðal brauði og öðrum bökunar-
vörum. Engin hættuleg innihalds-
efni hafa enn sem komið er fundist
en ekki er útilokað að fleiri fyrirtæki
en þau þrjú sem þegar hafa verið
kærð hafi notað iðnaðarsalt til mat-
vælaframleiðslu. Málið hefur verið
til rannsóknar undanfarnar vikur í
pólsku borginni Poznan.
„Þessi fyrirtæki hafa ekki gengist
við ábyrgð og segja að prófanir hafi
verið framkvæmdar sem sýndu að
saltið væri nothæft til manneldis,“
segir talsmaður pólska matvælaeft-
irlitsins. Talið er að allt að 40 pólsk
fyrirtæki hafi notað iðnaðarsalt í
matvælaframleiðslu en nöfn þeirra
fyrirtækja sem enn eru til rannsókn-
ar hafa ekki verið gefin upp. Um 90
íslensk fyrir-
tæki keyptu
iðnaðarsalt
af Ölgerð-
inni á tíma-
bilinu frá
11. nóvem-
ber 2011
til 5. janúar
2012. Þegar
hefur komið
fram að mörg
fyrirtækjanna
notuðu salt-
ið í matvæli á
meðan nokkur
notuðu saltið
sem hálkueyði.
n Saksóknarar í Póllandi grípa til aðgerða vegna fyrirtækja sem notuðu iðnaðarsalt
Aðgerðir vegna iðnaðarsalts
Iðnaðarsalt Þrjú pólsk
fyrirtæki hafa verið kærð fyrir
að nota iðnaðarsalt. Fleiri
fyrirtæki eru til rannsóknar.
Þ
etta er neyðarúrræði. Það
er ekkert annað hægt að
gera,“ segir Anote Tong, for-
seti eyríkisins Kíribatí í Suð-
ur-Kyrrahafi. Anote Tong
tilkynnti í vikunni að hann ætti í við-
ræðum við yfirvöld á Fídjieyjum um
kaup á rúmlega tvö þúsund hektara
landsvæði. Ástæðan er sú að margar
þeirra 33 kóraleyja sem mynda Kíri-
batí standa mjög lágt og eru nánast
við sjávarmál. Hækkandi yfirborð
sjávar mun að öllum líkindum hafa
þau áhrif að eyríkið fer á kaf í náinni
framtíð og þurfa íbúar því að flytjast
búferlum. Landsvæðið á Fídjieyjum
myndi því standa íbúum Kíribatí til
boða.
Verkamenn sendir fyrst
„Íbúar okkar munu þurfa að flytja
þar sem sjórinn er þegar farinn að
ganga upp að sumum íbúðarhús-
unum,“ segir Tong í samtali við Fiiji
One-sjónvarpsstöðina og breska
blaðið The Telegraph vitnar til. Íbúar
á Kíribatí eru um 113 þúsund talsins
en eyjarnar dreifast um 3,5 milljóna
ferkílómetra svæði í Kyrrahafi. Flest-
ir íbúanna búa á eyjunni Tarawa, þar
sem flestar ríkisstofnanir eru til húsa.
40 þúsund manns búa á eyjunni.
Tong segir að þó málið sé enn að-
eins á frumstigi sé unnið að því að út-
færa hugmyndina betur. Hann segir
að til að byrja með yrði hópur reyndra
verkamanna sendur til Fídjieyja sem
myndi hafa góð áhrif á efnahag Fídji-
eyja. „Við viljum ekki senda hundr-
að þúsund manns á einu bretti sem
myndu lifa eins og flóttamenn,“ segir
hann og bætir við að þeir fyrstu sem
færu þyrftu að hafa eitthvað fram að
færa. „Þetta er fólk sem myndi fá ein-
hverja stöðu í samfélaginu, fólk sem
yrði ekki litið á sem annars flokks
borgara,“ segir Tong.
Þurfa aðstoð
Tong segir að Kíribatí þurfi á aðstoð
alþjóðasamfélagsins að halda til að
þessi vægast sagt metnaðarfulla hug-
mynd gangi upp. „Við þurfum á að-
stoð annarra landa að halda. Við
– og aðrar þjóðir í svipaðri stöðu –
þurfum að treysta á fjárframlög frá
alþjóðasamfélaginu,“ segir Tong.
Landsvæðið sem yfirvöld á Kiríbatí
íhuga að kaupa er á næststærstu eyju
Fídjieyja, Vanúa Levú.
Þetta er ekki í fyrsta skiptið sem
Anote Tong varpar fram metnaðar-
fullum hugmyndum um framtíð ey-
ríkisins. Í fyrra velti hann þeirri hug-
mynd upp að byggðir yrðu stórir
pallar, eins konar risavaxnir olíubor-
pallar, úti á sjó sem íbúar myndu búa
á.
Nemendur undirbúnir
Yfirvöld á Kíribatí virðast vera far-
in að undirbúa sig af miklum krafti
undir fólksflutninga á næstu árum.
Sérstakri áætlun hefur verið hrundið
af stað í skólum á Kíribatí sem miðar
að því að undirbúa nemendur undir
það að vinna og búa í öðrum ríkjum.
Þannig stendur ungu fólki á Kíri-
batí til boða að stunda nám í South
Pacific-háskólanum í borginni Suva
á Fídjieyjum.
„Undirbúningurinn virðist vera í
fullum gangi,“ segir Alumita Duru-
lato, sem kennir alþjóðasamskipti
í háskólanum. „Þeir eru markvisst
að búa nemendur undir það að búa
annars staðar en í sínu heimalandi,“
segir Alumita.
Einar Þór Sigurðsson
blaðamaður skrifar einar@dv.is
„ Íbúar okkar munu
þurfa að flytja
þar sem sjórinn er þegar
farinn að ganga upp að
íbúðarhúsum.
n Yfirvöld á Kíribatí vilja kaupa land á Fídjieyjum fyrir þegna sína
Paradís Það er óhætt að segja að eyríkið Kíribatí sé sannkölluð paradís. Yfirvöld eru þegar farin að búa sig undir að flytja íbúa burt vegna
ágangs sjávar.
Forsetinn Anote Tong, forseti Kíribatí, á
nú í viðræðum um kaup á stóru landsvæði á
Fídjieyjum. Þar gætu íbúar Kíribatí sest að.
Sjórinn vinnur á Ef yfirborð sjávar heldur
áfram að hækka á næstu árum og áratugum
mun eyríkið Kíribatí fara á kaf að mestu
leyti.