Dagblaðið Vísir - DV - 09.03.2012, Side 63

Sport 63Helgarblað 9.–11. mars 2012
Prófraun fyrir Di Matteo
n Spenna á toppi og botni ensku úrvalsdeildarinnar
R
oberto Di Matteo, sem nú er
við stjórnvölinn hjá Chelsea
tímabundið eftir brotthvarf
André Villas-Boas, stýrir liði
sínu í fyrsta sinn í úrvalsdeildinni
um helgina. Chelsea tekur á móti
Stoke í hádeginu á laugardag en
Chelsea þarf nauðsynlega á sigri að
halda eftir dapurlegt gengi að und-
anförnu. Chelsea situr í fimmta sæti
deildarinnar og er þremur stigum á
eftir Arsenal sem er í fjórða sætinu –
síðasta sætinu sem gefur þátttökurétt
í Meistaradeild Evrópu á næstu leik-
tíð. Stoke er hins vegar í níunda sæti.
Sunderland tekur á móti Liver-
pool klukkan 15 á laugardag en gengi
Sunderland hefur verið gott síðan
Martin O’Neill tók við stjórnartaum-
unum. Liðið kemur þó til með að
sakna Stéphane Sessègnon sem fékk
rauða spjaldið í leiknum gegn New-
castle um liðna helgi. Lee Catter-
mole verður einnig í banni en hann
er búinn að næla sér í tíu gul spjöld
í vetur.
Spennan á botni deildarinnar er
ekki minni en á toppi hennar. Wol-
ves tekur á móti Blackburn á laug-
ardag en bæði lið eru í mikilli fall-
hættu. Wolves er í átjánda sæti en
Blackburn í því sautjánda en bæði
lið eru með 22 stig. Þá tekur Bolton
á móti QPR og eru bæði lið í mikilli
fallhættu. Bolton situr í nítjánda sæti
deildarinnar með 20 stig en QPR,
sem gengið hefur herfilega að und-
anförnu, er í sextánda sæti með 22
stig.
Manchester City fer til Wales á
sunnudag og heimsækir Gylfa Sig-
urðsson og félaga í Swansea. Þá tek-
ur Manchester United á móti West
Brom á sunnudag en Manchester-
liðin eru langefst í deildinni. Leik-
ur United og West Brom verður for-
vitnilegur fyrir þær sakir að West
Brom var eina liðið í deildinni í fyrra
til að taka stig af United á Old Traf-
ford. Liðin gerðu þá 2–2 jafntefli.
Tómas Þór Þórðarson
tomas@dv.is
Fótbolti
Vill forðast
Barcelona
Dionisios Chiotis, markvörður
kýpverska liðsins APOEL Nicosia,
vill helst af öllu forðast að mæta
Spánar- og Evrópumeisturum
Barcelona í átta liða úrslitum
Meistaradeildar Evrópu. Chiotis
var hetja kýpverska liðsins þegar
hann varði tvær spyrnur í víta-
spyrnukeppni þegar APOEL sló
út Lyon í sextán liða úrslitum
keppninnar.
„Við höfum afrekað eitt-
hvað sem allir töldu ómögulegt
í byrjun leiktíðar,“ segir Chiotis
sem hlakkar til að sjá hvaða lið
APOEL mætir í átta liða úrslitum.
„Ég er til í að mæta öllum liðum
– nema Barcelona,“ segir Chiotis
en Barcelona þykir ansi líklegt til
sigurs í keppninni.
Podolski
til Arsenal
Stuðningsmenn Arsenal geta nú
tekið gleði sína því fullyrt er að
þýski landsliðsframherjinn Lukas
Podolski hafi samþykkt að ganga
í raðir félagsins í sumar. Podolski,
sem er 26 ára, hefur verið einn
helsti markaskorari þýska lands-
liðsins á undanförnum árum en
hann leikur í heimalandinu með
Köln. Talið er að Arsenal muni
greiða 10,9 milljónir punda fyrir
leikmanninn, upphæð sem slag-
ar upp í tvo milljarða króna. Þá
er talið að hann fái um hundr-
að þúsund pund á viku í laun.
Podolski hefur þrátt fyrir ungan
aldur spilað 95 landsleiki fyrir
Þýskaland og skorað í þeim 43
mörk.
Balotelli þarf
að þroskast
Mario Balotelli, ítalski skemmti-
krafturinn í liði Manchester City,
viðurkennir að hann þurfi að
hysja upp um sig buxurnar og
þroskast. Balotelli var sektaður á
dögunum fyrir að skella sér út á
lífið aðeins tveimur dögum áður
en City mætti Bolton um síðustu
helgi. Þó svo að Balotelli hafi ekki
verið lengi í herbúðum City hefur
hann oft komið sér í vandræði,
bæði innan vallar og utan. Þrátt
fyrir það hefur stjóri City, Ro-
berto Mancini, haldið tryggð við
landa sinn.
„Mancini hefur alltaf rétt fyrir
sér. Ég er enn ungur, bara 21 árs,“
segir Balotelli og tekur fram að
hann þurfi að þroskast og haga
sér betur.
L
ionel Messi bauð upp á enn
eina sýninguna þegar Barce-
lona valtaði yfir skammar-
lega lélegt lið Bayer Leverku-
sen, 7–1, í Meistaradeildinni
á miðvikudaginn. Allt varð gjörsam-
lega brjálað í netheimum þar sem
enginn hélt vatni yfir frammistöðu
Messi. Fótboltaskríbentar um allan
heim kepptust við að vera fyrstir til að
skrifa pistla um Argentínumanninn
unga og velta upp spurningunni: Má
núna segja að hann sé bestur í heimi?
Hingað til hefur það þótt guðlast að
minnast á önnur nöfn en Pelé og
Maradona en eftir fimmuna á mið-
vikudaginn hafa margir fengið nóg
og vilja kalla Messi þann besta allra
tíma þrátt fyrir að hann sé aðeins 24
ára gamall.
Tölurnar tala fyrir sig sjálfar
Pep Guardiola, þjálfari Barcelona,
var ekki lengi að leiðrétta allan mis-
skilning um það hvort Messi væri
bestur eða ekki. Mörkin fimm sem
hann skoraði gegn Leverkusen færðu
hann enn nær því að verða marka-
hæsti leikmaður Barcelona frá upp-
hafi en hann á nú aðeins sjö mörk í
að jafna met Cesars Rodriguez. Aftur
er vert að benda á að Messi er aðeins
24 ára.
„Hann er sá besti frá upphafi. Það
er enginn sem er líkur honum,“ sagði
Guardiola. „Tölurnar tala fyrir sig
sjálfar. Einn daginn mun hann skora
sex mörk í leik. Við munum aldrei
aftur sjá leikmann eins og hann. Í
kvöld urðum við vitni að einu af þess-
um sérstöku kvöldum þar sem Messi
kveikir í okkur öllum. Ég er stoltur af
því að um ókomna tíð mun ég geta
sagst hafa þjálfað hann,“ sagði sá
spænski og bætti við:
„Ég get aftur á móti ekki stært mig
af neinu. Ég passa mig bara að velja
hann í liðið og passa að hann fái bolt-
ann. Eftir það er mínu hlutverki lok-
ið. Konungssætið í fótboltanum er
hans og Messi einn ræður hvort hann
gefur það einhvern tíma eftir. Sá eini
sem getur sigrað Messi er hann sjálf-
ur.“
Sá besti?
Lionel Messi hefur skorað 186 mörk í
201 leik fyrir Barcelona. Tölfræði sem
er hreint út úr kortinu. Hann stend-
ur sig alltaf á stóra sviðinu og skor-
aði til dæmis bæði í úrslitaleik Meist-
aradeildarinnar árið 2009 og 2011
en Barca vann í bæði skiptin. Árang-
ur hans í El Clasico-leikjunum gegn
Real Madrid er einstakur en á meðan
Cristiano Ronaldo, sem flestir telja
þann næstbesta, hverfur alltaf þeg-
ar spænsku risarnir mætast fagnar
Messi verkefninu og stendur sig allt-
af.
Viðmiðið fyrir bestu leikmenn
heims hefur alltaf verið óvinirnir
Pelé og Maradona. Þrátt fyrir ung-
an aldur er Messi löngu farinn fram
úr þeim í titlum unnum og einstak-
lingsverðlaunum, sér í lagi Pelé sem
aldrei spilaði utan Evrópu. Það sem
þeir hafa þó fram yfir Messi er árang-
ur með landsliði. Pelé varð þrisvar
heimsmeistari með Brasilíu og Mara-
dona vann HM 1986 upp á sitt eins-
dæmi. Hingað til hefur landsliðsfer-
ill Messi ekki verið neitt til að hrópa
húrra fyrir og þar til hann gerir eitt-
hvað ótrúlegt á stórmóti verða líklega
alltaf einhverjir sem hleypa honum
ekki upp á milli Pelé og Maradona.
Orðinn sá besti?
n Messi skoraði fimm í Meistaradeildinni n Enn deilt um hvort hann sé sá besti
Spenna Það er vonandi fyrir stuðningsmenn Chelsea að þessi maður komi liðinu aftur á
sigurbraut.
Ferill Messi hingað til
Barcelona (186 mörk í 201 leik)
Deildartitlar: 5 (2004–05, 2005–06, 2008–09, 2009–10, 2010–11)
Bikarinn: 1 (2008–09)
Meistaradeildin: 3 (2005–06, 2008–09, 2010–11)
Ofurbikar Evrópu: (2009, 2011)
Heimsmeistarakeppni félagsliða: 2 (2009, 2011)
Argentína (22 mörk í 67 leikjum)
Ólympíumeistari 2008 (Skoraði sigurmarkið í úrslitaleiknum)
Heimsmeistari U20 1995 (Skoraði bæði í úrslitaleiknum)
Stærstu einstaklingsverðlaun:
Besti leikmaður heims: 3 (2009, 2010, 2011)
Besti ungi leikmaður heims: 3 (2006, 2007, 2008 )
Markakóngur Evrópu: 1 (2010 )