Frjáls verslun - 01.05.2008, Qupperneq 74

74 F R J Á L S V E R S L U N • 5 . T B L . 2 0 0 8
h r i n g b o r ð s u m r æ ð u r f i m m k v e n n ah r i n g b o r ð s u m r æ ð u
Hefur íslenskt efnahagslíf kólnað of hratt?
Ragnhildur: Ég held að það sé alveg ljóst. Einn stærsti áhrifavald-
urinn er krónan. Áhrifin af þróun hennar eru gífurleg og það er erfitt
að vera í rekstri hér á Íslandi þar sem krónan skiptir mjög miklu máli.
Annar stór þáttur er fjármálamarkaðurinn en bankarnir hafa lokað á
margt og það gerir mörgum mjög erfitt fyrir, bæði einstaklingum og
atvinnulífinu öllu.
Ingunn: Ég held að byggingaframkvæmdir stöðvist ekki því bank-
arnir eiga þar mikið undir og vilja halda verkefnunum gangandi.
Kristín: Ég held að kólnunin sé hraðari og meiri hjá okkur en í
löndunum í kring þótt efnahagsástandið sé alls staðar erfitt. Það er
sérstaklega erfitt hér á Íslandi, fyrst og fremst vegna skorts á erlendu
lausafé. Skuldsetningin var líka mikil fyrir. Við fórum gríðarlega hátt
og hratt. Kerfislega er það vandamál að við erum með íslenska banka
og allt leggst á eitt; verðtryggingar, veiking krónunnar og fleira. Kóln-
unin hefur verið of hröð en ég veit ekki hvort hægt hefði verið að
komast hjá því.
Áslaug: Við komum ekki vel undirbúin inn í þess niðursveiflu.
Kristín: Seðlabankinn gerði illt verra og almenningur og fyrirtæki í
rekstri sitja uppi með sárt ennið.
Ingunn: Ég hlustaði nýlega á forsætisráðherra í útvarpi og hann vildi
ekki gera of mikið úr þessum áhyggjum af efnahagslífinu. Svo var
talað við Ingibjörgu Sólrúnu en þar kom fram að hún hefur gríð-
arlegar áhyggjur. Það er greinilega eitthvað að hjá ríkistjórninni og
mér finnst að þeir sem stjórna landinu verði að gera eitthvað í málinu.
Þeir þurfa að taka þetta miklu fastari og alvarlegri tökum.
Ef Geir Haarde segir ástandið ekki svo slæmt og telur okkur
hafa mikla möguleika, eigum við þá að hafa áhyggjur af því
sem Ingibjörg Sólrún segir?
Ingunn: Mér finnst ríkisstjórnin ekki hafa brugðist rétt við. Það eru
tveir flokkar í ríkisstjórn, sem eru ekki endilega samstíga, og það kann
ekki góðri lukku að stýra.
Erum við að tala um að ríkisvaldið hafi ekki staðið sig?
Auður: Það er auðvelt að vera vitur eftir á en deila má um hvort ríkis-
stjórnin hafi ekki verið svifasein og brugðist of seint við með
aðgerðir.
almennt um efnahagsmál
INGUNN WERNERSDÓTTIR:
Víkingahugsun okkar
Íslendinga er mjög sterk og
ég tel að það megi mikið
ganga á áður en stjórnendur
stóru fyrirtækjanna flytja
þau út. En maður veit ekki
hvað gerist, þetta getur farið
á báða bóga.