Frjáls verslun - 01.05.2008, Side 186

186 F R J Á L S V E R S L U N • 5 . T B L . 2 0 0 8
Kvikmyndir
r
obert De Niro og Al Pacino eru ekki
aðeins tveir af frægustu kvikmynda-
leikurum samtímans heldur eru
nöfn þeirra sveipuð ljóma sem erfitt
er að útskýra. Báðir eru stórkostlegir
leikarar sem eiga að baki ótrúlega litríkan og
farsælan feril og eru verðlaunaðir í bak og
fyrir. Það eitt nægir til að setja þá á þann stall
sem þeir eru, en það er eitthvað meira sem
gerir það að verkum að þegar nöfn þeirra eru
nefnd þá er eins og verið sé að tala um leikara
sem eru hafnir yfir aðra leikara.
Að þeir séu oftar en ekki nefndir saman
kemur til af því að þeir eiga margt sameig-
inlegt. Þeir eru báðir ítalsk-ættaðir og fæddir
í New York, Pacino 1940 og Robert De
Niro 1943. Báðir hlutu þjálfun sína í Actors
Studio í New York með Lee Strassberg, sem
leiðbeinanda og þeir hlutu frægð í Godfather
kvikmyndum Francis Ford Coppola. Það
þarf því engan að undra að þegar De Niro
er nefndur á nafn í samræðum eða riti þá er
ekki langt í að Pacino sé einnig nefndur og
öfugt, en enginn hefur sett góð rök fyrir því
að annar sé betri en hinn.
Til eru tvær kvikmyndir sem þeir leika
báðir í. Önnur er meistaraverkið Godfather
II, en þar léku þeir aldrei í sama atriðinu,
og hin er Heat, sem Michael Mann leik-
stýrði 1995, en þar eru þeir aðeins saman í
tveimur atriðum. Það er því ekki nema von
að eftirvæntingin sé mikil í sambandi við
Righteous Kill, sem frumsýnd verður í byrjun
september. Í henni eru De Niro og Pacino í
aðalhlutverkum og nú eru þeir saman í 90%
atriða í myndinni, þannig að það er til nokk-
urs að hlakka.
gamaldags löggudrama
Righteous Kill fjallar um tvær New York
löggur sem lengi hafa starfað saman. Þeir
fá bakþanka þegar þeir rannsaka morð, sem
ber öll einkenni þess að þar hafi verið á ferð-
inni raðmorðingi sem þeir héldu að þeir
hefðu náð fyrir nokkrum árum og situr sá
í fangelsi. Þeir fara að efast um að þeir hafi
sett réttan mann bak við lás og ef svo er þá
gengur raðmorðingi laus. Þetta er mikið
áfall fyrir lögreglumennina sem eiga að baki
þrjátíu ára starfsaldur og hafa fengið ýmsar
viðurkenningar fyrir störf sín. Það er ekki til
að bæta úr að þeir eru að fara á eftirlaun. Það
er því lítið annað fyrir þá að gera en að bíta
á jaxlinn og reyna að hafa upp á hinum rétta
raðmorðingja áður en þeir hætta störfum.
Með nafni myndarinnar er vísað til þess að
öll fórnarlömb morðingjans eru glæpamenn.
Fleiri þekktir leikarar leika í Righteous
Kill, má þar nefna Brian Dennehy, Carla
Gugino, John Leguizamo, Donnie Whalberg
og Curtis Jackson, sem betur er þekktur sem
rapparinn 50 Cent.
Handritið að Righteous Kill skrifaði Russ-
ell Gewitz, sem skrifaði handritið að hinni
ágætu spennumynd Spike Lees, Inside Man,
sem var hans fyrsta verkefni í Hollywood.
Ætla verður að um vel skrifað og hugmynda-
ríkt handrit sé að ræða fyrst hægt var að fá
De Niro og Pacino til að leika löggurnar
tvær. Frekar er sett spurningarmerki við
leikstjórann, Jon Avnet, þar sem ferill hans
er ansi skrykkjóttur. Avnet hafði verið fram-
leiðandi sjónvarpsefnis í fimmtán ár áður en
hann leikstýrði sinni fyrstu kvikmynd, Fried
Green Tomatoes, (1991) sem sló í gegn bæði
hjá gagnrýnendum og almenningi. Avnet
hélt áfram að framleiða sjónvarpsefni auk
þess sem hann snýr sér meir að kvikmynda-
framleiðslu. Fram til ársins 2000 leikstýrði
hann þremur kvikmyndum, The War (1994),
Up Close and Personal (1996) og Red Corner
(1997), sem náðu ekki gæðum Steiktu grænu
tómatanna. Næstu árin var Avnet eingöngu í
hlutverki framleiðandans eða allt þar til fyrir
tveimur árum að hann leikstýrði Al Pacino í
88 Minutes, sem hvað eftir annað var frestað
að frumsýna en loks sett á markaðinn í
sumar við litla hrifningu.
de niro og Pacino önnum kafnir
Í Righteous Kill leika Robert De Niro og Al
Pacino löggur sem eru að fara á eftirlaun, en
þeir sjálfir eru ekkert á þeim buxunum að
robert de niro og al Pacino saman í righteous Kill
löggur
Í leit að
raðmorðingja
TExTI:
hiLMAr KArLsson