Frjáls verslun - 01.05.2008, Page 192

fólk
192 F R J Á L S V E R S L U N • 5 . T B L . 2 0 0 8
Sigurlaug R.
Sævarsdóttir: „Eins og
gefur að skilja hef ég
ekki haft mikinn tíma
fyrir áhugamál síðustu
árin önnur en námið og
börnin og síðan starfið
og börnin.“
f élag viðskiptafræðinga og hagfræðinga (FVH) er framsækið og virt fagfélag háskóla menntaðs fólks á sviði við-
skipta- og hagfræða og má rekja sögu félagsins
allt aftur til ársins 1938. Viðskipta- og hagfræð-
ingar á Íslandi eru stór hópur fólks, sem getur
haft mikinn slagkraft en félagið er farvegur
fyrir hagsmunamál þessa hóps. Meðal þess
sem FVH sinnir, er að viðhalda fagþekkingu
með ýmiss konar fræðslu og endurmenntun,
hlúa að kjörum viðskipta- og hagfræðinga
með árlegri kjarakönnun og bjóða upp á vett-
vang til að efla tengsl félagsmanna.
Sigurlaug segir starf sitt vera fjölbreytt
og skemmtilegt. Það felst m.a. í daglegum
rekstri, undirbúningi fræðsluviðburða, setu
í stjórn og nefndum á vegum félagsins og
samskiptum við félagsmenn. Sigurlaug hóf
störf hjá FVH í desember sl. og hófst þá
handa við undirbúning og skipulag stærsta
viðburðar félagsins á ári hverju, „Íslenska
þekkingardagsins“, með ráðstefnu og verð-
launaafhendingu, sem hún segir hafa verið
mikla vinnu en skemmtilega.
„Í síðustu viku kynntum við niðurstöður
nýrrar kjarakönnunar, en kjarakönnun FVH
hefur mikla þýðingu fyrir alla viðskipta- og
hagfræðinga þar sem hún er helsti gagna-
grunnur þeirra um kjör, vinnu fyrirkomulag
og vinnutíma. Þessa dagana vinn ég að
því að koma blaðinu Kjarahag út en nið-
urstöður kjarakönnunarinnar eru meðal efnis
þar. Einnig er ég að kynna ítarlega greining-
arskýrslu til fyrirtækja en það er ekki síður
gagnlegt fyrir fyrirtæki eins og félagsmenn
að fylgjast vel með launaþróun innan stétt-
arinnar og greina hvar þau standa miðað við
markaðinn. Mörg áhugaverð verkefni eru
framundan, stefnumótun og gerð áætlunar
fyrir næsta vetur, rafrænt félagatal, ensk-
íslensk atvinnulífsorðabók og fleiri áhugaverð
og metnaðarfull verkefni.“
Sigurlaug á þrjú börn. „Dóttirin er
menntaskólanemi og hefur verið tæpt ár sem
skiptinemi í Paraguay og er væntanleg heim
í byrjun júlí. Eldri sonurinn var að ljúka
fyrsta ári í menntaskóla og sá yngri fyrsta ári
í grunnskóla.“
Það hafði lengi blundað í Sigurlaugu
áhugi á því að hefja háskólanám. Það skref
tók hún haustið 2002 og þegar hún var einu
sinni byrjuð var erfitt að stoppa. Hún bjó á
Bifröst ásamt börnunum sínum í þrjú ár og
vann á sumrin hjá Kaupþingi í Borgarnesi.
Síðan fluttist fjölskyldan aftur í Kópavoginn
og Sigurlaug hóf meistaranám í heilsuhag-
fræði við Háskóla Íslands, lauk því á rúmu
ári og hafði þá nýlega hafið meistaranám í
mannauðsstjórnun sem hún lauk einnig á
rúmu ári. Þetta voru því þrjár útskriftir á
tæplega tveimur og hálfu ári:
„Eins og gefur að skilja hef ég ekki haft
mikinn tíma fyrir áhugamál síðustu árin
önnur en námið og börnin og síðan starfið
og börnin. Annars hef ég áhuga á ferðalögum
og útiveru. Golf-iðkun er eitthvað sem mig
langar til að gefa mér tíma til að sinna.
Um miðjan júlí ætlum við fjölskyldan að
fara í langþráða útskriftarferð til Danmerkur
og Póllands. Við förum fyrst til Kaupmanna-
hafnar og verðum síðan í nágrenni Gdansk
m.a. við Sopot ströndina í Póllandi.“
sigurlaug r. sævarsdóttir
framkvæmdastjóri félags viðskiptafræðinga og hagfræðinga
nafn: Sigurlaug r. Sævarsdóttir.
fæðingarstaður: reykjavík,
7. október 1962.
foreldrar: Sævar Sigurjónsson
(látinn) og Ósk Elín
Jóhannesdóttir.
Börn: Hildur Inga, 19 ára,
Sævar örn, 16 ára og
Gísli Már, 7 ára.
menntun: BSc í viðskiptafræði
frá Háskólanum á Bifröst,
MSc í heilsuhagfræði frá
Háskóla Íslands og Ma í mann-
auðsstjórnun frá sama skóla.