Ritið : tímarit Hugvísindastofnunar - 01.05.2015, Síða 35

34
fjallað um ákveðna þætti í safnriti Painters í tengslum við umfjöllun sína.3
En The Palace of Pleasure er ekki í forgrunni hjá þessum fræðimönnum
heldur er aðeins eitt af mörgum verkum sem þeir fjalla um út frá mismun-
andi sjónarhornum. Full ástæða er þó að skoða það sem heild þar sem það
dregur fram í dagsljósið verðmæta heimild um þróun enskra bókmennta
og sérstaklega hlutverk þýðinga í því ferli.
Útgáfusaga The Palace of Pleasure í kjölfar fyrstu útgáfunnar sýnir vin-
sældir verksins meðal samtímamanna.4 Fyrsta bindið var gefið út þrisvar
sinnum, fyrst árið 1566, og innihélt þá sextíu nóvellur. Önnur útgáfa kom
út 1569 og hafði að geyma sama fjölda, en í þeirri þriðju, 1575, var bætt
við sjö nóvellum. Fyrsta útgáfa annars bindis kom út 1567 og innihélt
þrjátíu og fimm nóvellur en einni var bætt við í annarri útgáfu sem talið
er að hafi komið út 1580. Auk fjölda útgáfna hafa varðveist óvenjumörg
eintök af verkinu fram á þennan dag og vísað er til þess í ritum annarra
höfunda á tímabilinu. Notkun leikskálda og annarra höfunda á efni þess í
eigin verkum ber einnig dreifingu þess og áhrifum vitni.5
Vert er að taka fram strax að hugtakið nóvella, eins og það var notað
á sextándu öld, er töluvert ólíkt þeirri skilgreiningu á nóvellum sem tíðk-
ast í nútímabókmenntafræði, en fjallað verður nánar um skilgreiningu
og einkenni nóvellunnar á þessu tímabili. Þó að The Palace of Pleasure
flytji hið evrópska nóvelluform til Englands frá meginlandinu tók það
í meðförum Painters á sig sérstaka mynd sem er á margan hátt ólík því
hvernig nóvellan birtist í þekktari nóvellusöfnum frá Ítalíu og Frakklandi.
Verk Painters er safnrit, og ólíkt verkum t.d. Boccaccios og Marguerite de
Navarres þá hefur það ekki rammafrásögn eða þá tengingu við hirðina
3 Áhugaverðust og yfirgripsmest eru: Andrew Hadfield, Literature, Politics and
National Identity: Reformation to Renaissance, Cambridge University Press, 1994;
Andrew Hadfield, Literature, Travel, and Colonial Writing in the English Renaissance
1545–1625, Oxford: Oxford University Press, 1998; Lorna Hutson, The Usurer's
Daughter: Male Friendship and the Fictions of Women in Sixteenth-Century England,
London og New york: Routledge, 1994; Robert W. Maslen, Elizabethan Fictions:
Espionage, Counter-espionage, and the Duplicity of Fiction in Early Elizabethan Prose
Narratives, Oxford: Clarendon Press, 1997); Constance C. Relihan, Fashioning
Authority: The Development of Elizabethan Novelistic Discourse, Kent, Ohio og Lond-
on, England: Kent State University Press, 1994.
4 Allar tilvitnanir í verk Painters eru þýddar úr fyrstu útgáfunum frá 1566 (1. bindi)
og 1567 (2. bindi) (efni sem var bætt við í útgáfunum 1575 og [1580?] er tekið úr
þeim útgáfum) sem finna má í British Library.
5 Upplýsingar um fjölda varðveittra eintaka má finna í doktorsritgerð minni um efnið
og í gagnasafninu English Short Title Catalogue (ESTC).
Ásdís siGmundsdóttiR