Peningamál - 01.11.2000, Side 76

PENINGAMÁL 2000/4 75
gætu þær leitt til verulegrar lækkunar á gengi dalsins
og þar með hækkunar á gengi evrunnar. Þessu er út
af fyrir sig ekki spáð, heldur aðeins vakin athygli á að
þetta geti gerst. Í þessu samhengi er rétt að hafa í
huga að oft verða skyndilegar breytingar og miklar
sviptingar á alþjóðlegum fjármagnsmörkuðum,
breytingar sem enginn getur séð fyrir.
Ég hef einkum fjallað um aðstæður í alþjóðlegum
efnahagsmálum en fleira var að sjálfsögðu til um-
ræðu í Prag. Ekki gefst tóm til þess að gera grein fyrir
því öllu hér. Alheimsvæðingin var í sviðsljósinu,
bæði á fundunum og á götum Prag og sýndist sitt
hverjum. Forsvarsmenn Alþjóðagjaldeyrissjóðsins
og Alþjóðabankans lýstu því yfir að mikilvægt mark-
mið stofnananna yrði að tryggja að allir nytu góðs af
alheimsvæðingunni, íbúar fátækra ríkja jafnt sem
hinna efnaðri. Mikið var fjallað um skuldabyrði fá-
tækra ríkja og viðleitni til þess að létta henni af hin-
um fátækustu. Þetta viðfangsefni verður á dagskrá
stofnananna beggja á komandi árum enda mikil
áhersla á það lögð af hálfu þeirra. Auk þess er mikill
þrýstingur á þær af hálfu frjálsra félagasamtaka að
taka rösklega til hendi á þessu sviði. Framkvæmda-
stjóraskipti urðu í Alþjóðagjaldeyrissjóðnum fyrr á
þessu ári og nýi framkvæmdastjórinn segir sjóðinn
hafa mjög mikilvægu hlutverki að gegna í fátækustu
aðildarríkjunum. Þau verða því áfram áberandi í
starfi sjóðsins auk hinna hefðbundnu verkefna er
varða eftirlit með efnahagsframvindu – eða yfirsýn
yfir hana – í einstökum aðildarríkjum og heiminum
öllum, ástand fjármagnsmarkaða og aðra þætti sem
tengjast stöðugu efnahagslífi.
Meginheimild: International Monetary Fund: World Economic
Outlook, September 2000. Sjá einnig grein eftir Arnór
Sighvatsson um alþjóðleg efnahagsmál í ágústhefti Peninga-
mála 2000.