Peningamál - 01.11.2011, Qupperneq 70

P
E
N
I
N
G
A
M
Á
L

2
0
1
1
•
4
70
PENINGASTEFNAN
OG STJORNTÆKI HENNAR
Regluleg viðskipti
Regluleg viðskipti geta verið til allt að 7 daga. Tilgangur þeirra er
að auka eða draga úr framboði lausafjár. Seðlabankinn ákveður í
hvert sinn hversu mikið lausafé hann lánar fjármálafyrirtækjum eða
dregur af markaði. Miðvikudagar eru að öllu jöfnu viðskiptadagar
Seðlabankans. Seðlabankinn getur átt viðskipti aðra daga sé þess talin
þörf. Helstu tegundir reglulegra viðskipta eru:
• Lán gegn veði: Um er að ræða lán til 7 daga eða skemur. Fjár mála­
fyrirtæki þurfa að leggja fram tryggingar sem Seðlabankinn telur
hæfar í viðskiptum.
• Innstæðubréf: Um er að ræða bréf til 7 daga eða skemur sem
Seðla bankinn selur fjármálafyrirtækjum.
Seðlabankinn getur í útboðum ákveðið að halda vöxtum og fjárhæð­
um föstum eða láta fjármálafyrirtæki bjóða í annað hvort eða hvort
tveggja. Seðlabankinn getur hafnað öllum tilboðum eða hluta þeirra.
Aðrir fjármálagerningar sem Seðlabankinn getur notað til að
auka eða draga úr framboði lausafjár eru endurhverf verðbréfavið­
skipti, gjaldmiðlaskiptasamningar og bundin innlán.
Önnur viðskipti
Seðlabankinn getur, með sérstakri ákvörðun, átt viðskipti við fjármála­
fyrirtæki til lengri tíma en viku með sömu fjármálagerninga og í reglu­
legum viðskiptum.
Bindiskylda
Bindiskylda er lögð á fjármálafyrirtæki sem ekki eru háð framlögum
á fjárlögum í rekstri sínum. Hún miðast við bindigrunn sem eru inn­
stæður, útgefin skuldabréf og peningamarkaðsbréf. Bindihlutfall er
2% fyrir þann hluta bindigrunns sem bundinn er til tveggja ára eða
skemur. Binditímabil er frá 21. degi hvers mánaðar til 20. dags næsta
mánaðar og skal innstæða á bindireikningi ná tilskildu hlutfalli að
meðaltali á binditímabilinu. Bindiskylda nær ekki til útibúa íslenskra
fjármálafyrirtækja sem starfa utan Íslands.
Inngrip á gjaldeyrismarkaði
Inngripum á gjaldeyrismarkaði er einungis beitt, samkvæmt yfirlýs­
ingunni um verðbólgumarkmið frá 2001, telji Seðlabankinn það nauð­
synlegt til þess að stuðla að verðbólgumarkmiði sínu eða telji hann að
gengissveiflur geti teflt stöðugleika fjármálakerfisins í tvísýnu.