Peningamál - 01.11.2011, Qupperneq 73

P
E
N
I
N
G
A
M
Á
L

2
0
1
1
•
4
73
Apríl 2011
Hinn 8. apríl afturkallaði Fjármálaeftirlitið starfsleyfi Askar Capital hf.,
Sparisjóðabanka Íslands hf. og VBS fjárfestingarbanka hf.
Hinn 9. apríl var haldin þjóðaratkvæðagreiðsla um lög nr. 13/2011
sem heimiluðu fjármálaráðherra að ábyrgjast endurgreiðslu Trygging-
arsjóðs innstæðueigenda og fjárfesta á kostnaði Breta og Hollendinga
á lágmarkstryggingu innstæðna í útibúum Landsbankans í Bretlandi
og Hollandi og greiða eftirstöðvar og vexti af þeim skuldbindingum.
Forseti Íslands hafði vísað málinu í þjóðaratkvæðagreiðslu hinn 20.
febrúar. Kjörsókn var 75% og var heimildin felld með 59,77% gildra
atkvæða gegn 40,23%.
Hinn 11. apríl samþykkti Fjármálaeftirlitið yfirfærslu á tilgreindum
rekstrarhluta EA fjárfestingarfélags hf. (áður MP banka hf.) til MP
banka hf. (áður nb.is-sparisjóður hf.) og veitti hinum nýja banka starfs-
leyfi sem viðskiptabanki. Á sama tíma féll niður starfsleyfi félagsins
sem sparisjóður. Þá komst Fjármálaeftirlitið að þeirri niðurstöðu að
Títan fjárfestingarfélag ehf. væri hæft til að fara með virkan eignar-
hlut, allt að 20%, í hinum nýja MP banka hf.
Hinn 15. apríl bauðst Seðlabankinn, fyrir hönd ríkissjóðs, til að kaupa
á nafnverði erlend skuldabréf ríkissjóðs sem falla eiga í gjalddaga árin
2011 og 2012. Um var að ræða tvo skuldabréfaflokka sem upphaflega
voru að upphæð 1.250 milljónir evra. Aðgerðin var þáttur í lausafjár-
og skuldastýringu ríkissjóðs en einnig í gjaldeyrisforðastýringu Seðla-
banka Íslands. Tilboðið stóð til 5. maí 2011.
Hinn 20. apríl lagði Samkeppniseftirlitið dagsektir á Seðlabanka Ís-
lands til að knýja fram afhendingu á upplýsingum um útlán einstakra
banka og sparisjóða sem Seðlabankinn taldi sig hafa tekið við í trúnaði.
Skyldu sektirnar nema 1,5 m.kr. á dag uns gögnin yrðu reidd af hendi.
Sektirnar voru látnar falla niður eftir að viðkomandi lánastofnanir
heimiluðu Seðlabankanum að afhenda umbeðin gögn.
Hinn 20. apríl staðfesti matsfyrirtækið Moody's Baa3 lánshæfiseinkunn
Ríkissjóðs Íslands með neikvæðum horfum fyrir innlendar og erlendar
langtímaskuldbindingar í framhaldi af því að Icesave-samkomulaginu
var hafnað í þjóðaratkvæðagreiðslu hinn 9. apríl. Fyrirtækið hafði áður
gefið til kynna að höfnun samkomulagsins myndi að líkindum leiða
til lækkunar lánshæfismats. Í tilkynningu Moody's 21. apríl sagði að
góðar horfur um greiðslur úr þrotabúi gamla Landsbankans, frammi-
staða Íslands í samstarfinu við AGS og stuðningur Norðurlandanna í
kjölfar atkvæðagreiðslunnar hafi gert það að verkum að lánshæfis-
matið stóð óbreytt.
Hinn 20. apríl ákvað peningastefnunefnd Seðlabanka Íslands að halda
vöxtum bankans óbreyttum. Vextir á viðskiptareikningum fjármála-
Annáll efnahags- og peningamála