Peningamál - 01.11.2011, Blaðsíða 43

ÞRÓUN OG HORFUR
Í EFNAHAGS- OG PENINGAMÁLUM
P
E
N
I
N
G
A
M
Á
L

2
0
1
1
•
4
43
Í töflu 2 er að finna samantekt á áætluðum tekjuáhrifum af
þeim tekjuöflunaraðgerðum sem áformaðar eru á árunum 2012-
2015. Þar má sjá að áætlað er að tekjuöflunaraðgerðir ársins 2012
gildi óbreyttar fram til ársins 2015 að undanskildum ákvæðum sem
snerta séreignarsparnaðinn. Tekjur af sölu eigna og arðgreiðslum eru
einnig taldar haldast óbreyttar út tímabilið.
Kolefnisgjaldið tekur hins vegar breytingum vegna áform-
aðrar breikkunar skattstofnsins. Þess utan verða áfengis-, tóbaks- og
bensíngjöld hækkuð til samræmis við verðlag um 5,1%.
Gjaldahliðin 2012
Mildari aðlögunarferill gerir það að verkum að ráðstafanir til að
lækka útgjöld ríkissjóðs eru talsvert minni en síðustu þrjú ár. Áætlað
er að útgjöld ríkissjóðs verði lækkuð um 8,6 ma.kr. á árinu 2012. Á
árunum 2013-2015 verður aðlögun útgjalda enn hægari, en þá er
ráðuneytum ætlað að lækka útgjöld um 5 ma.kr. á ári í sérstökum
aðhaldsaðgerðum. Af 8,6 ma.kr. samdrætti í útgjöldum ársins 2012
kemur stærstur hluti til með beinum 6,6 ma.kr. niðurskurði fjár-
heimilda. Niðurskurðurinn miðast við að dregið sé úr útgjöldum sem
nemur 3% í almennri stjórnsýslu og þjónustu en 1,5% í velferðar-
málum (heilbrigðisþjónustu, bótakerfi og sjúkratryggingum). Því til
viðbótar er áætlað að kostnaðarhlutdeild ríkissjóðs í fjármögnun
Lánasjóðs íslenskra námsmanna lækki tímabundið um 1 ma.kr.,
útgjöld velferðarráðuneytisins lækki um 600 m.kr. vegna frestunar
um eitt ár á hluta aðhaldsaðgerða sem útfærðar voru í fjárlagafrum-
varpi þessa árs hjá heilbrigðisstofnunum og sérstakt viðbótarframlag
til Jöfnunarsjóðs sveitarfélaga lækki um 350 m.kr. Aðhaldsaðgerðum
er skipt eftir hagrænni skiptingu í töflu 3 en samtals nema þær
tæplega 8,6 ma.kr. eða 0,5% af landsframleiðslu.
Gangi þetta eftir verður þetta minnsta umfang aðhaldsað-
gerða eftir fjármálakreppuna, en aðhaldsaðgerðir námu 2,6% af
landsframleiðslu árið 2009, 3,5% árið 2010 og loks 1,4% á þessu
ári. Á árunum 2009-2012 munu því aðhaldsaðgerðir samtals nema
8% af landsframleiðslu eða 124,9 ma.kr. Þar af er aðhald í rekstri
43,1 ma.kr., í tilfærslum nemur aðhaldið 34 ma.kr. og loks hefur
viðhalds- og stofnkostnaður verið skorinn niður um 31,3 ma.kr.
Tafla 2 Sérstakar tekjuaðgerðir 2012-2015
Greiðslugrunnur, ma.kr. 2012 2013 2014 2015
Tekjuskattur einstaklinga 1,4 1,4 1,4 1,4
Launaskattur á fjármálafyrirtæki 4,5 4,5 4,5 4,5
Auðlegðarskattur 1,5 1,5 1,5 1,5
Kolefnisgjald 0,8 2,1 2,8 3,5
Veiðigjald 1,5 4,5 4,5 4,5
Arður 2,0 2,0 2,0 2,0
Eignasala 7,0 8,0 8,0 8,0
Annað 3,0 3,0
Skattar af séreignarsparnaði 2,0
Samtals 20,7 24,0 27,7 28,4
Tafla 3 Aðhaldsaðgerðir eftir hagrænni skiptingu
Í milljónum króna Lækkun Heildarvelta Lækkun %
Rekstur -4.409 189.568 -2,3
Tilfærslur -3.992 208.007 -1,9
Viðhald og stofnkostnaður -182 20.836 -0,9
Samtals -8.584 418.411 -2,1