Ritröð Guðfræðistofnunar - 01.01.1990, Blaðsíða 11

Trúarlíf Islendinga
Tafla 1,2 Kyn, úrtak (brúttó) og brottfall, prósent:
Karlar Konur
Úrtak 51.2 48.8 =100
Brottfall 51.4 48.6 =100
Eins og kemur fram í töflu 1,2 er nánast engin munur á brottfalli karla og
kvenna í þessari könnun. Næsta tafla sýnir mun á úrtaki og brottfalli hvað
varðar búsetu.
Tafla 1,3 Búseta, úrtak að brottfalli frátöldu og brottfall, prósent:
Stór-Rvk. Kaupst. Þorp Sveit
Úrtak 55 15 16 14 =100
Brottfall 64 15 11 10 =100
Þeir sem ekki svara eru tiltölulega fleiri á Stór-Reykjavíkursvæðinu en á minni
þéttbýlisstöðum og í sveit.
Við hringingarnar greindu sumir frá hvers vegna þeir vildu ekki svara og í
vissum dlvikum gátu aðstandendur gefið skýringu á því hvers vegna svar barst
ekki. Þannig fengust viðbótarupplýsingar um viðbrögð fólks við listanum sem
einnig komu að haldi við brottfallsgreiningu.
Tafla 1,4 Astæða fyrir synjun eða að svar vantar, prósent af brottfalli:
Næst ekki í viðkomandi eða enginn veit hvar hann er 62
Fluttur eða fjan'erandi um stundarsakir 4
Vilja ekki svara spurningalistanum 34
100
43 einstaklingar gáfu ástæðu fyrir synjun. Af þeim sögðu flestir, eða 17, að trúin
væri það mikið einkamál að þeir vildu ekki svara spurningunum; 10 manns
sögðust ekki nenna eða hafa áhuga á því að svara; 4 sögðust ekki svara
spurningalistum yfirleitt; 8 fettu fingur út í það að listarnir voru númeraðir og
einstaka gerði því skóna að hér væri um persónunjósnir að ræða.
Hins vegar skal það tekið fram að oft varð þess vart að fólk tók listanum vel
og nokkrir lýstu jafnvel ánægju sinni á því að fá tækifæri til að svara spurn-
ingum um þessi mál. I forkönnuninni kom það fyrir að fólki fannst áhugavert
að spreyta sig á spurningunum og velta fyrir sér hvaða svar félli best að skoð-
unum þess. Oft kom í ljós að fólk hafði ekki gert upp hug sinn og spurning-
arnar urðu því tilefni til nokkurra heilabrota.
9