Ritröð Guðfræðistofnunar - 01.01.1990, Qupperneq 218

Studia theologica islandica
Mynd VIII,2 Trúmál, stjómmál og afstaða til þjóðkirkjunnar
(fylgnistuðull Kendall Tau):...
Fylgnistuðullinn þarf að vera um 0.1 til þess íylgni sé marktæk. Eins og áður
hefur komið fram er lítið sem ekkert samband milli áhuga á stjórnmálum og
trúarafstöðu en hins vegar mjög greinilegt milli stjórnmála- og trúarafstöðu.
Þá hefur stjórnmálaskoðun áhrif á afstöðu til kirkjunnar bæði sem stofnunar
og áhrifavalds í samfélaginu. Ahugi á stjórnmálum hefur hins vegar viss áhrif
á afstöðu til kirkjunnar sem starfandi afls, enda er líklegt að sá áhugi tengist
oft áhuga á starfi hinna margvíslegu stofnana. Trúarafstaða hefur einnig greini-
leg áhrif á afstöðu til kirkjunnar sem stofnunar.
Um þann áhuga á kirkjunni sem þjóðfélagslegu afli, sem ekki er hægt að
rekja til trúaráhuga í hefðbundnum skilningi, verður nánar fjallað hér á efdr.
Fyrst skal litið örlítið nánar á samband trúarafstöðu og stjórnmála meðal
kvenna.
Konur, stjómmál og trúmál
Rjósendur Kvennalista 1983 eiga minnsta samleið með kirkjunni samkvæmt
töflu VIII,11. Athyglisvert er að hér er aðallega um konur að ræða. Af þeim 28
svarendum sem sögðust hafa kosið Kvennalistann voru 25 konur. Skera þær sig
mjög úr um viðhorf til trúmála, miðað við aðrar kynsystur sínar, en eins og
rækilega hefur verið sýnt fram á hér að framan eru konur almennt trúaðri en
karlar, iðka meira trú sína og styðja betur við safnaðarstarf en karlar. - Er því
varpað fram hér sem tilgátu að konur, sem umhugað er um sérstöðu sína í
þjóðfélaginu og vilja bæta úr misrétti milli kynja á ýmsum sviðum, geri
samtímis upp hug sinn um trú og trúarstofnanir og hafni á því sviði hinum
216