Ritröð Guðfræðistofnunar - 01.01.1990, Qupperneq 184

Studia theologica islandica
ef engar læknisfræðilegar ástæður mæltu gegn slíkri aðgerð. Afdrif frum-
varpsins urðu þau að það kom aldrei til annarrar umræðu. I greinargerð með
þessu frumvarpi segir: Margar skriflegar athugasemdir bárust til heilbrigþis- og
tryggingamálarábuneytisins og til Alþingis. Voru þœr allar á þá leib að óvarlegt vœri
að heimila algjörlega frjálsar fóstureyðingar hér á landi.
Frumvarp um fóstureyðingar var lagt fram í breyttri gerð árið 1975, og
höfðu þá orðin „að ósk konu“ verið felld niður. Lögin frá 1975 heimila hins
vegar fóstureyðingar af félagslegum ástæðum, en samkvæmt eldri lögum var
heimilt að taka tillit til félagslegra ástæðna þegar meginástæðan væri af
læknisfræðilegum toga.
Aðalákvæði um fóstureyðingar er að fmna í 9. grein en hún er sem hér segir:
Fóstureyðing er heimil:
1. Félagslegar ástæður:
Þegar ætla má, að þungun og tilkoma barns verði konunni og hennar
nánustu of erfið vegna óviðráðanlegra félagslegra ástæðna. Við slíkar að-
stæður skal tekið tillit til eftirfarandi:
a) Hafi konan alið mörg börn með stuttu millibili og skammt er liðið frá
síðasta barnsburði.
b) Eigi konan við að búa bágar heimilisástæður vegna ómegðar eða alvarlegs
heilsuleysis annarra á heimilinu.
c) Þegar konan getur ekki vegna æsku og þroskaleysis annast barnið á
fullnægjandi hátt.
d) Annarra ástæðna, séu þær fyllilega sambærilegar við ofangreindar
ástæður.
2. Læknisfræðilegar ástæður:
a) Þegar æda má, að heilsu konu, líkamlegri eða andlegri, sé hætta búin af
áframhaldandi meðgöngu og fæðingu.
b) Þegar ætla má, að barn, sem kona gengur með, eigi á hættu að fæðast
vanskapað eða haldið alvarlegum sjúkdómi vegna erfða eða sköddunar í
fósturlífi.
c) Þegar sjúkdómur, líkamlegur eða geðrænn, dregur alvarlega úr getu
konu eða manns til að annast og ala upp barn.
3. Ef konu hefur verið nauðgað eða hún orðið þunguð sem afleiðing af öðru
refsiverðu atferli.
Mjög mikil aukning hefur orðið á fóstureyðingum frá þeim tíma er nýju
lögin gengu í gildi, þ.e. á miðju ári 1975, eins og meðfylgjandi tafla sýnir.
182