Ritröð Guðfræðistofnunar - 01.01.1990, Side 61

Trúarlíf Islendinga
einstaklingsbundnum þörfum fjölskyldunnar á mun nærtækari og
persónulegri hátt en karlmaðurinn. Heimilið er fyrst og fremst neyslueining,
hvíldarstaður og vettvangur andlegrar og líkamlegrar endurnæringar en ekki
staður þar sem framleiðsla fer fram, eins og var í bændasamfélaginu. E.t.v. eru
trúaráhrifin einmitt nátengd því tilfinnningalega sambandi sem myndast í
hinum nánu og stöðugu samskiptum innan fjölskyldunnar. Karlmaðurinn
hefur hingað til tekið meiri þátt í atvinnu- og opinberu lífi utan heimilis þótt
hlutur konunnar fari þar vaxandi. Kirkja og safnaðarstarf eru sá vettvangur
utan heimilis sem konur hafa getað snúið sér að. Þetta á einnig við um aðra
sem ekki hafa tekið fullan þátt í atvinnulífi, svo sem börn, unglinga og
gamalmenni. Saman hafa þessi atriði orsakað það að konur hafa verið álitnar
næmari á hin trúarlegu svið og séu yfirleitt trúaðri en karlmenn. Villiam
Gr0nbæk útskýrir mun á körlum og konum í trúarlegum efnum með því að
konur séu næmari á hið mannlega og hið tilfinningalega en karlar. Þær eru
einnig á margan hátt háðari því hvað öðrum finnst um þær en karlar sem oftar
eru uppteknari af hlutkenndum viðfangsefnum sem heyra til sviðum utan
heimilisins.11
Hér er komið að málum sem þessi könnun gefur engar upplýsingar um. Það
er samt sem áður mikilvægt að sneiða ekki algerlega hjá því að fjalla um þau,
þar sem þau eru mikilvæg til skilnings á trúaráhrifum og forsendum þeirra. Að
þessu verður nánar vikið síðar í þessum kafla.
Það sem áður hefur komið fram um samband milli aldurs, kyns og trúar-
áhrifa gefur tilefni til að athuga nánar tengsl milli þessara áhrifa og trúar-
afstöðu svarenda.
Tafla III,6 Trúarafstaða og mestu trúaráhrif:
Frá móður Frá ððrum Utan
í fjölsk. fjölsk.
n= 225 107 84
Trúarafstaða:
Segja trúarbrögð blekkingu/
eða eru áhugalausir um trú 2 6 7
Ovissir 9 10 14
Trúa á sinn eigin hátt 45 49 58
Játa kristna trú 44 35 20
100 100 99
(Tau C= -0.16, p<0.0001)
Þessi tafla styður þær niðurstöður sem næsta tafla á undan sýndi um trúaráhrif
móður. Því meira sem svarendur hafa mótast af móðurinni þeim mun meira
11 Villiam Gronbæk: Sama rit, bls. 286.
59