Ritröð Guðfræðistofnunar - 01.01.1990, Side 157

Trúarlíf íslendinga
60-76 ára. Samband milli óskar um sérstaka útvarpsstöð og afstöðu í stjórn-
málum er einnig marktækt þótt það sé ekki mjög sterkt. 13% þess hóps sem
lengst er til vinstri er alveg sammála því að fá kristilega útvarpstöð en 19%
þeirra sem lengst eru til hægri.
Tafla V,7 Afstaða til sérstakrar kristilegrar útvarpsstöðvar (rásar)
eftir trúarafstöðu, prósent:
Efahyggjum Einkatrúar
og trúleysingjar
n= 78 240
Sammála 22 28
Osammála 55 48
Játa kr. trú
183
42
32 **
Þeir sem segja sig játa kristna trú skera sig úr að því leyti að stærri hluti þeirra
vill sérstaka útvarpsstöð fyrir kristilegt efni. Það er þó eftirtektarvert, að um
þriðjungur þeirra er þessu ekki sammála og 23% eru þessu algerlega ósammála.
Hugmyndin um sérstaka rás virðist samt eiga töluverðu fylgi að fagna. Ef á
heildina er litið þá er það svipaður hópur sem vill sérstaka kristilega útvarpstöð
og meira af kristilegu efni í ljósvakafjölmiðlunum. Af þessum tölum er þó ekki
hægt að álykta neitt um það beint á hvaða vettvangi fólk vill að átak verði gert
í miðlun trúarlegs efnis. Það er eitt að vilja sérstaka kristilega rás og annað að
vilja efla stöðu kristilegs efnis í þeim ljósvakafjölmiðlum sem fyrir eru.
I framhaldi af þessari könnun væri fróðlegt að athuga nánar hverjir það eru
sem hlusta mest á trúarlegt efni í útvarpi og sjónvarpi; hvort það eru þeir sem
á öðrum vettvangi, t.d. með þátttöku í safnaðarstarfi og guðsþjónustum, eru
þegar aðnjótendur trúarfræðslu og boðskapar eða hvort þetta efni nær til
þeirra sem ekki fara í kirkju eða á trúarlegar samkomur. Erlendar kannanir
benda til þess að það sé oftar en ekki um að ræða fyrrnefndan hóp. Ef svo er
þá hefur hið kristilega ljósvakafjölmiðlaefni minni áhrif en ætla mætti þar sem
það nær helst eyrum „hinna réttlátu“ þ.e.a.s. þeirra sem þegar fínna sig hafa
þörf fyrir trú og hafajafnvel mótað sér ákveðnar trúarskoðanir og leiðir til að
viðhalda þeim. Hér þarf að sjálfsögðu að undanskilja þá sem af ýmsum
orsökum eiga ekki heimangengt til þátttöku í guðsþjónustum og kristilegu
starfi. Fyrir þá getur trúarlegt efni í fjölmiðlum einmitt verið mikilvægt. En
hvernig þessu er varið hér á landi verður ekkert sagt með vissu af þeim
niðurstöðum sem er að finna í þessari könnun.
155