Ritröð Guðfræðistofnunar - 01.01.1990, Blaðsíða 21

Trúarlíf Islendinga
og Jesús sem fyrirmynd fylgja oftar öðrum svörum. Það mun því láta nærri,
hvað afstöðu til Jesú varðar, að svarendur skiptist í tvo nokkuð jafn stóra hópa.
þ.e. þá sem játa hann sem son guðs og frelsara og gera það ekki.
Taka ber fram að mjög er á huldu hversu einlæg og persónuleg trú á Jesú
býr að baki tölunum hér á undan. Um það fást tæpast örugg svör enda verður
vísast aldrei fundin upp örugg rannsóknaraðferð til að mæla huglæg trúar-
viðhorf á borð við þau sem hér var leitað svara við. Svo brugðið sé fyrir sig guð-
fræðilegum rökum þá mun sú trú ekki verða opinberuð fyrr en á „efsta degi“.
Með þessu er þó ekki loku fyrir það skotið að afla megi frekari upplýsinga
um trúarviðhorf þeirra sem játa Jesútrú og mun m.a. hugað að þ\'í síðar í
þessum kafla þegar reynt verður að skyggnast lengra á bak við þær tölulegu
upplýsingar sem þá liggja fyrir um þær trúarhugmyndir sem hér eru til um-
fjöllunar.
Næst liggur fyrir að kanna viðhorf til Jesú eftir kyni og aldri svarenda.
TaflaII,8 Afstaða tiljesú eftir kyni: Karlar Konur
n= 339 386
Jesús er einn fr. trúarbr.leiðtogi 42.8 39.6
Jesús er einn göfugasti maður 21.2 29.5
Jesús er okkur sönn fyrirmynd 32.4 33.7
Jesús er sonur guðs og frelsari 38.9 49.5
Hér vekur fyrst og fremst athygli sá munur sem er á körlum og konum hvað
varðar trú á Jesú sem son guðs og frelsara. Þetta er svipaður en þó aðeins minni
munur en fram kom í svari við trú á kærleiksríkan guð. Er vart tilviljun að hér
sé um fylgni að ræða, enda trú á kærleiksríkan guð og Jesú sem frelsara ná-
tengd viðhorf skv. kristinni kenningu. Trúhneigð kvenna umfram karla og
jafnframt hneigð þeirra til kristinnar trúar fær hér enn frekari staðfestingu. I
könnur Hagvangs var þessi munur á afstöðu til Jesú sem frelsara ekki síður
ótvíræður, 29% karla en 44% kvenna.
Þessi munur á körlum og konum er fyrir margra hluta sakir býsna
athyglisverður. Hann gefur m.a. vísbendingu um að annað og meira búi að
baki því að merkt sé við þessa fullyrðingu um Jesú en að þetta sé hið „rétta“
svar, t.d. það svar sem kennt var í fermingarfræðslu og því gripið til að lítt
yfirveguðu ráði. Forsendur karla og kvenna eru hinar sömu að þessu leyti og
því verður að leita annars staðar skýringa á þessum umtalsverða mun, vísast
fleiri en einum. Eins og sagt var um trú á guð virðist að mörgu leyti nærtækast
að leita skýringa í mismunandi hlutverkum kynjanna og ólíku gildismati þeirra.
Á meðal karla er það fullyrðingin um að Jesús hafi verið einn af fremstu
trúarbragðaleiðtogum sögunnar sem nýtur mests fylgis. Er það sem fyrr segir
það svar sem ætla má að sé lengst frá því að viðurkenna Jesú sem son guðs og
frelsara.
19