Ritröð Guðfræðistofnunar - 01.01.1990, Blaðsíða 30

Studia theologica islandica
Tafla 11,16 Trúarafstaða og trúarhugmyndir:
Játa kristna trú Trúa á sinn hátt
Kærleiksríkur guð 56 31
Aðrar guðshugmyndir 34 24
Jesús sonur guðs 72 31
Upprisutrú 29 8
Sálin á annað tilverust. 35 31
Þessar tölur tala sínu máli um þann mikla mun sem er á trúarhugmyndum
þessara tveggja hópa. Og rétt er að árétta að hér er að fínna tæp 80% af öllum
svarendum.
Mestur er munur á afstöðu til þess hvort maðurinn rísi upp til samfélags við
guð eftir dauðann en einnig er mjög mikill munur á guðstrú og viðhorfum til
Jesú. Þá er eftirtektarvert að minnstur er munur varðandi framhaldstilveru
sálarinnar. Þess má geta að svipaður munur er á hópunum hvað varðar fullyrð-
inguna um að spíritismi og kristin trú geti vel farið saman. Tæplega 61% þeirra
sem trúa á sinn hátt eru henni sammála en 48% þeirra sem játa kristna trú.
Samkvæmt þessu fæst staðfesting á því, sem áður sagði, að rétt um helmingur
þeirra er telja sig kristna hafa jákvæða afstöðu til spíritisma. Um guðstrú
þessara tveggja hópa er það nánar að segja að það eru um 55% þeirra sem trúa
á sinn hátt er segja má að trúi tilvist guðs í venjulegri merkingu þess hugtaks.
22% álíta að guð sé hugarfóstur mannsins, 8% að enginn vissa sé fyrir tilvist
guðs en 15% segjast ekki geta svarað spurningunni. Má e.t.v. túlka það svo að
rúmlega helmingur af þessum meiri hluta „trúaðra“ trúi á guð en hinir séu efa-
hyggjumenn án þess að vera sannfærðir trúleysingjar.
Hvað þá varðar sem játa kristna trú er meginskýringin á því að ekki eru
taldir „nema“ um 90% þeirra guðstrúar að 7% þeirra segjast ekki geta svarað
spurningunni. Vert er og að gefa því gaum að þriðjungur manna í þessum
hópi ílokkast með þeim sem aðhyllast aðrar guðshugmyndir en þá að til sé
kærleiksríkur guð. Þar er þá fyrst og fremst að finna sem merkja við fullyrð-
inguna um guð er gefi lífinu tilgang.
Þá er rétt að benda á hversu ótvírætt fylgi sú fullyrðing fær í hópi þeirra sem
játa kristna trú að Jesús Kristur sé sonur guðs og frelsari mannanna, eða 72%.
Þegar litið er á þessa niðurstöðu má það e.t.v. undarlegt teljast að þeir skulu
ekki vera fleiri en raun ber vitni sem játa trú á upprisu frá dauðum. I hugann
koma orð Páls postula í upphafi Rómverjabréfsins þar sem hann segir um Krist
að hann hafi „með krafd (verið) auglýstur að vera Guðs sonur fyrir upprisu frá
dauðum“. (Róm.l:4). Þessi lærdómur virðist ekki hafa komist til skila skv. því
sem hér er við að styðjast.
Þegar í ljós kemur jafn mikill munur og er á mönnum eftir trúarafstöðu
þeirra, eins og hér má sjá, vekur það löngun að fá að vita meira um þessa hópa.
28