Gerðir kirkjuþings - 2008, Blaðsíða 46

46
2. mál - Fjármál Þjóðkirkjunnar

Flutt af Kirkjuráði
Frsm. Jóhann E. Björnsson

Helstu þættir til umræðu og ályktunar
Heildartekjur Þjóðkirkjunnar í frumvarpi til fjárlaga árið 2009 eru áætlaðar 4.660,5 m. kr.
að frádregnum 73 m. kr. sértekjum sem kirkjunni er ætlað að afla. Greiðslur vegna
kirkjugarða árið 2009 eru áætlaðar 946 m. kr. Áætlaðar tekjur Þjóðkirkjunnar hækka um
459,1 m. kr. milli áranna 2008 og 2009 en hækkunin er 585 m. kr. ef greiðslur til
kirkjugarða eru taldar með.

Sérframlag til Hallgrímskirkju að fjárhæð 12,4 m. kr. er þriðja greiðsla vegna viðgerða á
turni sem veitt er í sex ár eða samtals um 74,5 m. kr. 5,4 m. kr. eru vegna annars stofn-
kostnaðar og er heildarframlag til Hallgrímskirkju 17,8 m. kr. Heildarkostnaður turn-
viðgerðar var upphaflega áætlaður um 230 m. kr. og samkomulag milli ríkis, Reykja-
víkurborgar og Þjóðkirkjunnar gerði ráð fyrir að samningsaðilar styrki framkvæmdina að
jöfnu. Nú hefur komið í ljós að viðgerðin er mun dýrari en áætlað var og framkvæmdir í
óvissu. Stofnkostnaðarframlag til Skálholts er 11,4 m. kr., þar af eru 6 m. kr. sem er
þriðja greiðsla sem veitt er í átta ár í samræmi við ákvörðun ríkisstjórnar um að styrkja
uppbyggingu í Skálholti. Í fyrstu umræðu vegna frumvarps til fjárlaga 2009 er gert ráð
fyrir að tímabundið framlag til Þingeyraklausturskirkju að fjárhæð 3 m. kr. falli niður.

Skil sóknargjalda til Þjóðkirkjunnar samkvæmt fjárlagafrumvarpi 2009 hækka sem nemur
12 % eða um 238 m. kr. frá fjárlögum 2008. Hækkunin er í samræmi við áætlaða hækkun
á meðaltekjuskattsstofni einstaklinga í Þjóðkirkjunni 16 ára og eldri milli tekjuáranna
2007 og 2008 – sem birtist í fjárlögum 2008. Gert er ráð fyrir 28 m. kr. lækkun framlags
vegna markmiða frumvarpsins um útgjaldaaðhald. Flutt verður frumvarp um breytingu á
lögum nr. 91/1987 um sóknargjöld, sem felur í sér að hækkun sóknargjalda, og framlög í
Jöfnunarsjóð sókna og Kirkjumálasjóð verða tæplega 1% minni en ella hefði orðið.

Milli áranna 2007 og 2008 hækka greiðslur vegna sóknargjalda og greiðslur í
Jöfnunarsjóð og Kirkjumálasjóð um 9,5 % í samræmi við raunverulega hækkun á
meðaltekjuskattsstofni milli tekjuáranna 2006 og 2007 og fjölgun einstaklinganna.
Sóknargjald árið 2008 er 862 kr. á mánuði fyrir hvern gjaldanda eldri en 16 ára.
Gjaldendur 1. desember 2007 voru 194.544 og eru því sóknargjöld 2008 uppreiknuð
samtals um 2.012,4 m. kr. Ef miðað er við raunveruleg sóknargjöld árið 2008 er hækkun
milli áranna 2008 og í fjárlagafrumvarpi 2009 um 10,5 %.

Greiðslur til kirkjugarða miðast við fjölda greftrana næstliðins árs og stærð svæða í
umhirðu kirkjugarða. Hækkun vegna kirkjugarða nemur 15,4% eða 126 m. kr. Eins og
kemur fram í fjárlagafrumvarpi 2009 eru 120 m. kr. af hækkuninni vegna launa- og
verðlagsbreytinga. Framlagið er byggt á reiknilíkani þar sem 20% af framlaginu taka mið
af jarðsetningum, sem voru 1583 árið 2007 og líkbrennslum sem voru 359 talsins. Um
80% af framlaginu miðast við stærð svæða í umhirðu hjá görðunum í lok ársins 2006. Í