Gerðir kirkjuþings - 2008, Blaðsíða 70

70
nr. 9/1882 um leysing á sóknarbandi verði felld úr gildi en ákvæði þeirra eru að miklu
leyti úrelt orðin. Eðlilegt þykir að setja ákvæði um leysing sóknarbanda í starfsreglur.
Með óstaðbundnum söfnuði innan Þjóðkirkjunnar er átt við söfnuð án land-
fræðilegra marka sem starfar á sama kenningargrunni og Þjóðkirkjan og tilheyrir henni
með samningi eða annarri ráðstöfun sem nánar yrði kveðið á um í starfsreglum. Með
þessu er opnað fyrir aðild óstaðbundinna safnaða, s.s. fríkirkjusafnaða eða óháðra safn-
aða, líkt og þekkist hjá systurkirkjum á Norðurlöndum.
Í 5. mgr. er kveðið á um að Kirkjuþing setji starfsreglur um samráðsvettvang leik-
manna. Í 58. gr. núgildandi laga er ákvæði um leikmannastefnu Þjóðkirkjunnar. Meiri-
hluti Kirkjuþings er skipaður leikmönnum og rétt þykir að það sé undir þinginu sjálfu
komið á hverjum tíma hvernig hagað verði aðkomu leikmanna að starfi Þjóðkirkjunnar að
öðru leyti, hvort heldur er með leikmannastefnu, Kirkjuþingi ungs fólks eða samstarfs-
vettvangi sóknarnefnda eða héraðsnefnda.

Um 30. gr.
Ákvæði 1. mgr. er efnislega samhljóða 1. mgr. 53. gr. núgildandi laga. Þó er því bætt við
að sóknarnefnd sé kjörin af aðalsafnaðarfundi en slíkt ákvæði er ekki að finna í lögunum.
Ákvæði 2. mgr. er efnislega samhljóða 1. mgr. 54. gr. núgildandi laga.
Ákvæði 3. mgr. er samhljóða 2. mgr. 54. gr. núgildandi laga.
Í 4. mgr. er mælt fyrir um að Kirkjuþing setji setji nánari ákvæði í starfsreglur um
stöðu, starf, starfshætti og samvinnu sóknarnefnda, kosningu og fjölda sóknarnefnda-
manna og um sameiginlegt fjárhald sókna. Af samvinnu sókna eða sameiginlegu fjárhaldi
þeirra getur hlotist umtalsvert hagræði og verksparnaður, einkum í hinum fámennari
sóknum. Um kjör og fjölda sóknarnefndarmanna er nú mælt í 2. – 4. mgr. 53. gr. laga nr.
78/1997.
Í 5. mgr. er Kirkjuþingi ætlað að setja starfsreglur um stöðu og störf starfsmanna
sókna, sbr. 57. gr. núgildandi laga, en ekki þykir ástæða til að tilgreina organista
sérstaklega svo sem nú er gert.
Samkvæmt 6. mgr. skal Kirkjuþing setja starfsreglur um afnot af kirkju og
safnaðarheimili eins og nú er mælt fyrir um í 3. málslið 1. mgr. 54. gr. laganna.

Um 31. gr.
Um aðalsafnaðarfundi er kveðið á í 52. gr. núgildandi laga. Ákvæðið er einfaldað til
muna og Kirkjuþingi látið eftir að setja starfsreglur um safnaðarfundi og safnaðarfulltrúa
sem 56. gr. laganna mælir fyrir um. Að öðru leyti þarfnast greinin ekki skýringar.

Um 32. gr.
Um héraðsfundi og héraðsnefndir er kveðið á í 31. og 32. gr. núgildandi laga. Ákvæðin
eru einfölduð til muna og Kirkjuþingi látið eftir að setja starfsreglur um héraðsfundi,
héraðssjóði og héraðsnefndir. Að öðru leyti þarfnast greinin ekki skýringar.

Um 33. gr.
Ákvæði 1. mgr. er efnislega samhljóða 33. gr. núgildandi laga. Áhersla er lögð á
sjálfstæði prests gagnvart aðilum er hann starfar hjá en heyra ekki undir Þjóðkirkjuna, svo
sem sjúkrahúsum og fangelsum. Í kirkjulegum efnum lýtur presturinn þannig einvörð-