Gerðir kirkjuþings - 2008, Blaðsíða 54

54
22. gr.
Biskup Íslands vígir presta og djákna og setur þeim vígslubréf. Heimilt er biskupi að
vígja prest og djákna sem hafa verið kallaðir til þjónustu af evangelísk-lúterskum
fríkirkjusöfnuðum í landinu enda liggi fyrir samkomulag um það milli biskups og
safnaðarstjórnar.
Biskup Íslands vígir kirkjur og vísiterar söfnuði.

23. gr.
Biskup Íslands hefur ákvörðunarvald um einstök mál sem ekki heyra undir önnur
stjórnvöld Þjóðkirkjunnar samkvæmt lögum þessum.

24. gr.
Biskup Íslands hefur yfirumsjón með kirkjuaga innan Þjóðkirkjunnar og beitir sér fyrir
lausn ágreiningsefna sem rísa kunna á kirkjulegum vettvangi.
Biskup getur veitt þeim starfsmönnum Þjóðkirkjunnar sem lög um réttindi og skyldur
starfsmanna ríkisins taka til, leyfi á launum í allt að sex mánuði án samþykkis þeirra.
Kirkjuþing setur nánari reglur um meðferð agabrota og lausn ágreiningsmála innan
Þjóðkirkjunnar.

25. gr.
Tveir biskupar skulu vera til aðstoðar biskupi Íslands með aðsetur á hinum fornu
biskupsstólum, í Skálholti í Biskupstungum og á Hólum í Hjaltadal.
Forseti Íslands skipar biskupa skv. 1. mgr. ótímabundið. Um kjörgengi þeirra gilda sömu
reglur og um kjörgengi til embættis biskups Íslands, sbr. 20. gr. svo og um heimild
Kirkjuþings til að ákveða biskupskjör.
Kirkjuþing setur nánari reglur um kosningu biskupanna í hvoru umdæmi fyrir sig.

26. gr.
Biskuparnir í Skálholti og á Hólum hafa tilsjón með kristnihaldi í umdæmum sínum í
umboði biskups Íslands. Þeir eru biskupi Íslands til aðstoðar um kirkjuleg málefni og
annast þau biskupsverk sem hann felur þeim.
Biskup Íslands kallar til biskupafundar svo oft sem þurfa þykir. Nánar skal kveðið á um
biskupafund í starfsreglum frá Kirkjuþingi.
Kirkjuþing setur nánari reglur um starfssvið og umdæmi biskupanna í Skálholti og á
Hólum.

27. gr.
Í forföllum biskups Íslands skal sá biskup í Skálholti eða á Hólum sem eldri er að
biskupsvígslu kvaddur til að gegna embætti hans um stundarsakir.
Nú fellur biskup Íslands frá eða lætur af embætti og skal þá sá biskup sem eldri er að
biskupsvígslu gegna embætti hans þar til biskupskjör hefur farið fram og nýr biskup
Íslands hefur fengið skipun í embætti sitt.
Verði biskup Íslands vanhæfur til meðferðar einstaks máls sem undir hann ber að lögum
skal sá biskup sem eldri er að biskupsvígslu fara með málið nema biskup Íslands eigi
sjálfur sérstakra og verulegra hagsmuna að gæta. Séu báðir biskuparnir vanhæfir til að