Orð og tunga - 01.06.1997, Qupperneq 9

Formáli ritstjóra
Allnokkuð er liðið frá því að annað hefti Orðs og tungu kom út. Ástæðan er sú að
ritið er ekki hugsað sem ársrit heldur verður það gefið út óreglulega eftir því sem
tilefni gefast. Að þessu sinni hefur það að geyma erindi sem flutt voru á málþingi
um orðabók Sigfúsar Blöndals sem haldið var 28. október 1995. Að málþinginu stóðu
Islensk-danskurorðabókarsjóður, Orðabók Háskólans og Orðmennt, félag áhugamanna
um orðabókafræði.
Á árinu 1994 voru 70 ár liðin frá því að prentun lauk á Islensk-danskri orðabók sem
oftast er kennd við Sigfús Blöndal og kölluð Blöndalsbók eða aðeins Blöndal. Þeir sem
starfa sinna vegna þurfa oft að nota orðabækur komast varla hjá því að athuga hvort
orðið, sem þeirleita að, sé í Blöndal. „Blöndal er með það,“ eða „Það erekki í Blöndal"
eru algeng viðkvæði. Sigfús Blöndal vann þó ekki einn að bókinni. Kona hans, Björg
Þorláksdóttir, var honum betri en enginn og aðra góða samverkamenn hafði hann um
lengri eða skemmri tíma.
Aðstandendum málþingsins þótti rétt að minnast sjötugsafmælis bókarinnar og í
tilefni þess var málþingið haldið. Islensk-dönsk orðabók var stórvirki á sínum tíma og
hún er enn eina orðabók sinnar tegundar yfir íslenskt mál. Þær orðabækur sem gefnar
hafa verið út síðar hafa allar þegið frá henni að meira eða minna leyti.
Ákveðið var að fá fyrirlesara til þess að koma að orðabókinni úr sem flestum áttum
þannig að áheyrendur hefðu í lokin góða yfirsýn yfir sögu, efni og gerð bókarinnar,
hvernig hún varð til og hvernig hún hefur staðist tímans tönn. Á ráðstefnunni voru flutt
tólf erindi og eru ellefu þeirra prentuð í heftinu.
Ráðstefnan þótti takast ágætlega og var hún mjög vel sótt. Innan Orðabókar Há-
skólans er áhugi á að standa að fleiri slíkum ráðstefnum um orðfræðileg efni.
Allurundirbúningurundirprentun Orðsog tunguIII fór fram á Orðabók Háskólans
og var það verk í höndum Kristínar Bjamadóttur. Islensk-danskur orðabókarsjóður og
Orðmennt styrktu útgáfuna.
Guðrún Kvaran
Vll