Orð og tunga - 01.06.1997, Qupperneq 31

Baldur Jónsson: Stærð orðaforðans í orðabók Blöndals
19
GBl. Nvb. ABl.
karlkynsorð 36% 31% 34,6%
kvenkynsorð 35% 40% 36,4%
hvorugkynsorð 29% 29% 29,0%
Tafla 3: Kyn nafnorða í orðabók Blöndals
Hvorugkynsorðin halda sinni hlutdeild óbreyttri, en kvenkynsorðum hefir fjölgað á
kostnað karlkynsorða. Þetta bendir óneitanlega til þess að kvenkynsorðin hafi verið í
sókn um miðbik aldarinnar. Hér skal þó ekkert fullyrt um slrkar hræringar í málinu,
en ef til vill er nærtækast að ætla að kvenkynsorð hafi oftar orðið viðliðir í nýjum
samsetningum en karlkynsorð. í Nvb. er mjög mikið um samsetningar.
Þrátt fyrir allt er ég trúaður á að tölumar séu nægilega traustar til að gefa sæmilega
sanna mynd af stærð orðabókarinnar og stærðarhlutföllum. Heildartölurnar fara býsna
nærri þeim niðurstöðum sem fengust við að telja í höndunum forðum.