Orð og tunga - 01.06.1997, Side 57

Ásta Svavarsdóttir:
Innri skipan orðsgreina
1 Inngangur
Það hefur komið í minn hlut að fjalla um innri skipan orðsgreina eða flettna í Blön-
dalsorðabók, það sem í erlendum orðabókafræðum hefur verið nefnt míkróstrúktúr
bókarinnar (sjá t.d. Svensén 1987:194 o.áfr.) og hefur verið kallað „innskipun“ á
íslensku. Það helsta sem máli skiptir í þessu sambandi er:
• Hvaða upplýsingar eru gefnar um einstök orð
• Hvemig og í hvaða röð þær eru settar fram
• Hvernig orðsgreinum er skipt í liði og undirliði
• Hvemig leturbreytingar og ýmiss konar tákn eru nýtt
í kjölfarið má svo spyrja hversu kerfisbundin efnisskipanin er, hvort fylgt sé föstum
reglum og að hve miklu leyti mismunandi eðli flettiorða fær að ráða framsetningunni.
Hér verður fyrst gerð grein fyrir helstu efnisþáttum sem fram koma í flettunum
almennt og vikið að svipmóti orðsgreina með tilliti til efnisskipunar. í framhaldi
af því verður bygging nokkurra greina skoðuð nánar. Val á dæmum miðaðist við
það að flettiorðin væru hvert með sínu móti, fletturnar nokkuð misstórar og orðin úr
mismunandi orðflokkum. í lokin er svo stutt samantekt á helstu einkennum á innri
skipan orðsgreinanna.
2 Efnisþættir
í orðabókinni eru engar eiginlegar notkunarleiðbeiningar og í ítarlegum formála Sig-
fúsar er sáralítið fjallað um efnisskipan hennar. Þar er að vísu drepið lauslega á helstu
upplýsingar sem veittar eru um orðin en það eina sem snýr beinlínis að niðurskipan efnis
í flettum er það sem fram kemur í eftirfarandi tilvitnun (Sigfús Blöndal 1920-24:X):
45